Protection Visa (Subclass 866) වංචාවන්ට නොරැවටෙන්නැයි ස්වදේශ කටයුතු දෙපාර්තමේන්තුව යළි යළිත් අවධාරනය කර තිබෙනවා.
මේ වන විට බෝහෝ ඔස්ට්රේලියානු සංක්රමණිකයින් අතර Protection Visa (Subclass 866) සම්බන්ධයෙන් වැරදි තොරතුරු රාශියක් සමාජගත වී තිබීම හේතුවෙන් සංක්රමණිකයන්ට ගැටළු රැසකට මුහුණ පෑමට සිදුව ඇති බවයි ස්වදේශ කටයුතු දෙපාර්තුමේන්තුව විසින් සදහන් කර ඇත්තේ.
නීති විරෝධී සංක්රමණ සදහා ආධාර අනුබල දෙන පුද්ගලයින්ට මෙන්ම ඒ ඔස්සේ ව්යාජ තොරතුරු සපයන සංක්රමණිකයින්ට නීතිය තදින්ම ක්රියාත්මක කරන බව වැසිදුරටත් අවධාරනය කරනවා.
එසේම Protection Visa සදහා වංචනික ක්රියාවන් සිදුකරන පුද්ගලයින්ට සිරදඩුවම් විදීමට සිදුවන බවද ස්වදේශ කටයුතු දෙපාර්තමේන්තුව යළිත් අවධාරනය කරනවා.
මෙම වීසා බලපත්රය ලබාදෙන්නේ ඔස්ට්රේලියාව තුළ සරණාගතභාවය අයදුම් කරන පුද්ගලයන් සදහා පමණක් වන බවයි ස්වදේශ කටයුතු දෙපාර්තුමේන්තුව විසින් සදහන් කර ඇත්තේ.
ඔස්ට්රේලියානු නීතිය යටතේ සංක්රමණිකයන්ට අවශ්ය සහය ලබාදීම සදහා ගාස්තුවක් අය කළ හැක්කේ ලියාපදිංචි වී සිටින සංක්රමණ නියෝජිතයන්ට සහ නීති වෘත්තිකයන්ට පමණක් වන බව ද ස්වදේශ කටයුතු දෙපාර්තුමේන්තුව විසින් වැඩිදුරටත් සදහන් කර තිබෙනවා.
තවද Protection Visa සදහා නොමිලේම උපදෙස් ලබා ගැනීමට සංක්රමණිකයින්ට අවස්ථාව හිමිවන අතර ඒ සදහා ස්වදේශ කටයුතු වෙබ් අඩවියට පිවිසීමෙන් අවස්ථාව හිමිවනවා.
