ශ්රී ලංකාවේ සිට මෙල්බන් බලා පැමිණි ගුවන් යානයක සිටි ශ්රී ලාංකික මගියෙක් ගුවන් යානය තුළ අශෝභන ආකාරයේ ක්රියාවක් සිදු කර ඇති බවට ගුවන් මගියෙක් කල පැමිණිල්ලටක අනුව අද Broadmeadows මහේස්ත්රාත් අධිකරණය වෙත ඉදිරිපත් කර තිබෙනවා.
ඔස්ට්රේලියානු ෆෙඩරල් පොලිසිය (AFP) ප්රකාශ කළේ ඊයේ (2024 දෙසැම්බර් 18 බදාදා) ශ්රී ලංකාවේ සිට මෙල්බර්න් බලා පියාසර කරමින් සිටි ගුවන් යානයක 41 හැවිරිදි මෙම පුද්ගලයා කාන්තා මගියෙකු ඉදිරියේ අශෝභන ක්රියාවක නියැලි ඇති බවයි.
සිද්ධියට මුහුණදුන් කාන්තාව එම සිද්ධිය පිළිබඳව ගුවන් සේවා කාර්ය මණ්ඩලයට දැනුම් දුන් අතර, පසුව ඔවුන් ඔස්ට්රේලියා ගුවන්තොටුපල පොලීසිය වෙත දන්වා ඇති බව සදහන්.
අදාළ ගුවන් යානය මෙල්බර්න් ගුවන් තොටුපළට පැමිණි විට AFP නිලධාරීන් සහ ගුවන් සේවා කාර්ය මණ්ඩලය එක්ව සැකකාර පුද්ගලයා අත් අඩංගුවට ගෙන තිබෙනවා.
ගුවන් සේවා අපරාධ පනතේ 1991 (Cth) හි 15 (1) වගන්තිය ප්රකාරවත්, 1900 අපරාධ පනතේ (ACT) 60 (1) වගන්තියට පටහැනිව යන වගන්ති මත මෙම පුද්ගලයාට චෝදනා එල්ල වී තිබෙනවා.
මෙවැනි වරදට උපරිම දඬුවම වසර 7ක සිරදඬුවමක් හිමිවන බවද නීති ප්රකාරව සදහන් වනවා.
සැකකරුට මේ වන විට ඇප ලබා දී ඇති අතර 2025 ජනවාරි 9 වන දින මෙල්බර්න් මහේස්ත්රාත් අධිකරණයේ පෙනී සිටින ලෙසයි නියෝග කර ඇත්තේ.
