ඉදිරි වසර ඔස්ට්‍රේලියානු සංක්‍රමණිකයින්ට නව බලාපොරොත්තුවක්

ඉදිරි මූල්‍ය වර්ෂයට සමගාමීව සංක්‍රමණ සීමාවන් ඉහළ දැමීම හේතුවෙන් කම්කරු පක්ෂයට එරෙහිව විපක්ෂයේ ජ්‍යේෂ්ඨ මන්ත්‍රීවරුන්ගෙන් විවේචන එල්ල වී තිබෙනවා.

ඒ ෆෙඩරල් රජය විසින් වසර මැද අයවැය ප්‍රකාශයට පත් කිරීමත් සමගයි.

එහි දී ඉදිරි මූල්‍ය වර්ෂයට අදාළ ශුද්ධ විදේශ සංක්‍රමණ ප්‍රමාණය 340,000 ක් දක්වා ඉහළ යා හැකි බවට අපේක්ෂා කෙරෙනවා.

කෙසේ වෙතත් මීට පෙර අනාවැකි පළ කර තිබුණේ ශුද්ධ විදේශ සංක්‍රමණ 260,000 ක් පමණ සිදු වන ඇති බවයි.

මීට පෙර ඔස්ට්‍රේලියානු අග්‍රාමාත්‍ය ඇන්තනී ඇල්බනීස් විසින් ඉදිරි මූල්‍ය වර්ෂය තුළ ශුද්ධ විදේශ සංක්‍රමණ ප්‍රමාණය 260,000 දක්වා අඩු කිරීමට පියවර ගන්නා බවට ප්‍රතිඥා දී තිබූ බවයි දැක්වෙන්නේ.

මේ අතර ඔස්ට්‍රේලියානු භාණ්ඩාගාරික Jim Chalmers විසින් මාධ්‍ය වෙත ප්‍රකාශ කර ඇත්තේ මේ වනවිට ඩොලර් බිලියන 26.9 ක අයවැය හිඟයක් පවතින බවයි.

මේ අතර කම්කරු පක්ෂය විසින් සිය සංක්‍රමණ ඉලක්කයන් සපුරා ගැනීම සම්බන්ධයෙන් ඔස්ට්‍රේලියානුවන් තුළ විශ්වාසයක් නොමැති බවයි සංක්‍රමණ ඡායා අමාත්‍ය ඩෑන් ටෙහාන් විසින් පෙන්වා දී ඇත්තේ.

මෙවැනි පසුබිමක ස්ථිර සංක්‍රමණ ප්‍රමාණය 185,000 සිට 140,000 දක්වා පහත හෙළන බව විපක්ෂයේ පොරොන්දුව වී ඇතැයි වැඩිදුරටත් සදහන්.