ෆෙඩරල් දේශපාලඥයින් ඉලක්ක කර ගෙන සිදුකරන තර්ජනයන්වල සීග්ර වර්ධනයක් පෙන්නුම් කරන බව නවතම දත්ත වාර්තාවක් මගින් අනාවරණය වී තිබෙනවා.
මෙම දත්ත වාර්තා ඉදිරිපත් කර ඇත්තේ ඔස්ට්රේලියා ෆෙඩරල් පොලිසිය (AFP) විසින් බවයි දැක්වෙන්නේ.
ඒ අනුව ඔස්ට්රේලියා ෆෙඩරල් පොලිසිය (AFP) විසින් පෙන්වා දී ඇත්තේ මෙම මූල්ය වර්ෂයේ දී ෆෙඩරල් දේශපාලඥයින් ඉලක්ක කරගෙන සිදුකරන තර්ජනයන් 42% කින් පමණ ඉහළ ගොස් තිබෙන බවයි.
2023 – 24 මූල්ය වර්ෂය තුළ එවැනි සිදුවීම් සම්බන්ධ පැමිණිලි 1009 ක් පමණ ලැබී ඇති බවයි ඔස්ට්රේලියා ෆෙඩරල් පොලිස් දත්ත වාර්තා හරහා අනාවරණය වී ඇත්තේ.
කෙසේ වෙතත් පසුගිය මූල්ය වර්ෂය තුළ මේ සම්බන්ධයෙන් ලැබී ඇත්තේ පැමිණිලි 709 ක් පමණක් වීම ද විශේෂත්වයක්.
දේශපාලඥයින් ඉලක්ක කරගෙන සිදුකරන මෙම තර්ජනයන් හෝ ප්රචණ්ඩ ක්රියාකාරම් බැරෑරුම් ලෙස සලකන බවයි ඔස්ට්රේලියා ෆෙඩරල් පොලීසියේ කමාන්ඩර් ස්ටීවන් ෆ්රයි විසින් අවධාරණය කර ඇත්තේ.
