බෝඩර් – ගවස්කාර් ටෙස්ට් තරගාවලියට සමගාමීව පැවති ඉන්දු – ඔස්ට්රේලියා තෙවන ටෙස්ට් තරගය අද (18) ජය පරාජයකින් තොරව අවසන් වුණා.
බ්රිස්බන් හීදී ඉකුත් දා ආරම්භ වූ ටෙස්ට් තරගයේ කාසියේ වාසිය ජයග්රහණය කළ ඉන්දීය කණ්ඩායම පළමුවෙන් පන්දු යැවීමට තීරණය කළා.
ඒ අවසරයෙන් පිටියට පිවිසි ඔස්ට්රේලියා කණ්ඩායම සිය පළමු ඉනිම වෙනුවෙන් සියලු දෙනා දැවී ලකුණු 445 ක් රැස් කර ගැනීමට සමත් ව තිබීම ද විශේෂත්වයක්.
කෙසේ වෙතත් සිය පළමු ඉනිම වෙනුවෙන් ඉන්දීය කණ්ඩායමට සියලු දෙනා දැවී රැස් කරගත හැකිවූයේ ලකුණු 260 ක් පමණයි.
සිය දෙවන ඉනිම ඇරඹූ ඔස්ට්රේලියා කණ්ඩායම කඩුලු 7 ක් පමණක් දැවී ලකුණු 89 ක් රැස් කිරීමෙන් පසුව අද දිනයේ සිය ඉනිම අත් හිටුවීමට තීරණය කළා.
කෙසේ වෙතත් අද තරගයේ පස් වන සහ අවසාන දිනය හේතුවෙන් තරගය ජය පරාජයෙන් තොරව අවසන් වුණා.
ඒ වනවිට ඉන්දීය කණ්ඩායම කිසිවෙකු නොදැවී සිය දෙවන ඉනිම වෙනුවෙන් ලකුණු 8 ක් රැස් කරගෙන සිටියා.
වරින් වර බ්රිස්බන් වෙත ඇදහැලුණු ධාරානිපාත වර්ෂාව හේතුවෙන් ඔස්ට්රේලියා කණ්ඩායම සතුව තිබූ ජයග්රහණය ඔවුන්ට මඟ හැරී ගිය බවයි දැක්වෙන්නේ.
දෙරට අතර පැවැත්වෙන තෙවන ටෙස්ට් තරගය දෙසැම්බර් 26 වන දා (බොක්සිං දිනයේදී) මෙල්බන් හීදී ආරම්භ වීමට නියමිතයි.
