වසර 140 කට පසුව ඔස්ට්රේලියානුවන් විසින් මුහුණ දෙන අභියෝගාත්මක නත්තල මෙම වසරේදී පැමිණ ඇති බව නවතම පර්යේෂණයකින් අනාවරණය වී තිබෙනවා.
ඉහළ යන ජීවන වියදම හමුවේ පසුගිය වසර තුනක කාලය තුළ සිල්ලර භාණ්ඩවල මිල 33% කින් පමණ ඉහළ ගොස් තිබෙන බවයි සදහන් වන්නේ.
“The Salvation Army Australia” විසින් නිකුත් කර තිබෙන නවතම දත්ත වාර්තාව ඔස්සේ මෙම කරුණු හෙළිවී තිබෙන බවයි සදහන් වන්නේ.
ඒ අනුව මෙවර නත්තල් දිනය සැමරීම සදහා ඔස්ට්රේලියානුවන්ගෙන් 17.4% ක් ණය ලබා ගන්නා බවයි එම දත්ත වාර්තා හරහා පෙන්වා දී ඇත්තේ.
මෙවැනි පසුබිමක මෙවර නත්තල් සමයේදී වෛද්ය බිල්පත් ගෙවීමට නොහැකි වී සිටින ඔස්ට්රේලියානුවන්ගේ ප්රමාණය 19.2% ක් වීම ද කැපී පෙනෙනවා.
ඔස්ට්රේලියානුවන්ගෙන් 24% කට පමණ මෙවර නත්තල වෙනුවෙන් අවශ්ය තරම් ආහාර පාන පරිභෝජනය සදහා නොමැති බවද මෙම දත්ත වාර්තා ඔස්සේ අනාවරණය වී තිබෙනවා.
මේ අතර මෙවර නත්තල් නිවාඩුව මග හැරෙන ඔස්ට්රේලියානුවන්ගේ ප්රමාණය 39.2 ක් බවයි දැක්වෙන්නේ.
එමෙන්ම ඔස්ට්රේලියානුවන්ගෙන් 35.8 ක් පමණ ජීවන වියදම ඉහළ යෑම හමුවේ අඩු පිරිසකගේ සහභාගීත්වයෙන් නත්තල් දින සැමරුම මෙම වසරේදී සිදුකරන බවයි එම දත්ත වාර්තා හරහා වැඩිදුරටත් පෙන්වා දී ඇත්තේ.
