ඔස්ට්රේලියාව තුළ Pneumococcal රෝගයේ වර්ධනයක් පෙන්නුම් කරන බව සෞඛ්ය දත්ත වාර්තා මගින් දක්වා තිබෙනවා.
මෙවැනි පසුබිමක ඔස්ට්රේලියා ප්රතිශක්තිකරණ පදනම (Immunisation Foundation Australia) විසින් පෙන්වා දී ඇත්තේ පසුගිය වසර ආරම්භයේ සිටම ඔස්ට්රේලියාව පුරා Pneumococcal රෝගීන් 4500 කට වඩා වැඩි ප්රමාණයක් වාර්තා වී ඇති බවයි.
මෙය 2002 වසරෙන් පසුව ඔස්ට්රේලියාව තුළ වාර්තා වූ Pneumococcal රෝගීන්ගේ ඉහළම අනුපාතය ලෙසයි සැලකෙන්නේ.
මේ සම්බන්ධයෙන් අනතුරු ඇඟවීමක් නිකුත් කරමින් ඔස්ට්රේලියා ප්රතිශක්තිකරණ පදනම විසින් වැඩිදුරටත් සදහන් කර ඇත්තේ මේ රෝගය සදහා සිදුකරන එන්නත්කරණ කටයුතු නිසි පරිදි ක්රියාත්මක නොවුණහොත් ලබන වසරේදී මෙම රෝග වැළදීමේ අනුපාතය තවත් ඉහළ යනු ඇති බවයි.
ඔස්ට්රේලියා කුඩා ළමුන්ගේ එන්නත්කරණ අනුපාතය පසුගිය වසරේදී 92.8 ක් දක්වා පහත වැටී ඇති බවයි සදහන් වන්නේ.
මේ අතර අවුරුදු 19 ත් 71 ත් අතර වයස් කාණ්ඩවල පසුවන ඔස්ට්රේලියානුවන්ගෙන් 20% ක් පමණක් මෙම රෝගයට එරෙහිව ප්රතිශක්තිකරණ එන්නත් ලබාගෙන තිබෙන බවයි එහි දැක්වෙන්නේ.
මෙම ආක්රමණශීලී Pneumococcal රෝගය වැළදීම හරහා සදාකලික ආබාධිතභාවය සහ මරණය උරුම විය හැකි බවයි ඔස්ට්රේලියා ප්රතිශක්තිකරණ පදනමේ අධ්යක්ෂක කැතරින් හියුස් විසින් ප්රකාශ කර ඇත්තේ.
