වික්ටෝරියා ප්රාන්තයේ මෙල්බන් හි කුලී නිවැසියන් වෙනුවෙන් නව නිවාස සංකීර්ණයක් විවෘත කර තිබෙනවා.
ෆෙඩරල් රජය විසින් ක්රියාත්මක කරන “Build to Rent” නිවාස යෝජනා ක්රමය යටතේ දීර්ඝ කාලයක් තිස්සේ කුලී නිවැසියන් ලෙස කටයුතු කරන පුද්ගලයන් උදෙසා මෙම නිවාස වැඩසටහන ආරම්භ කර තිබෙන බවයි සදහන් වන්නේ.
මෙම නිවාස යෝජනා ක්රමය හරහා විවෘත වූ පළමු නිවාස සංකීර්ණයේ නිරීක්ෂණ කටයුතු සදහා ඔස්ට්රේලියා නිවාස අමාත්ය නිවාස අමාත්ය ක්ලෙයාර් ඕ නීල් (Clare O Neill) ද එක්ව තිබෙනවා.
මෙල්බන් හි සවුත්බෑන්ක් උප නගර කලාපයේ පිහිටා ඇති මෙම නව නිවාස සංකීර්ණයට Sauna, ව්යායාම මධ්යස්ථානයක් මෙන්ම ව්යාපාරික මධ්යස්ථායක් ද අන්තර්ගත ව තිබීම ද විශේෂත්වයක්.
නිවාස සංකීර්ණයේ අලුත්වැඩියා කටයුතු සදහා ස්ථානීය නඩත්තු අංශයක් ද ස්ථාපිත කර තිබීම ද කැපී පෙනෙනවා.
මෙම නිවාස ආකෘතිය ඇමරිකා එක්සත් ජනපදයේ මෙන්ම එක්සත් රාජධානියේ ද දක්නට ලැබෙන බවයි සදහන් වන්නේ.
