මෙම වසරේ ගෙවුණු කාල සීමාව තුළ සංචාරකයන් මිලියන 1.9 කට ආසන්න පිරිසක් ශ්රී ලංකාවට පැමිණ තිබෙන බවට සංචාරක සංවර්ධන අධිකාරිය විසින් පෙන්වා දී තිබෙනවා.
එහි සභාපති බුද්ධික හේවාවසම් මහතා ප්රකාශ කර ඇත්තේ දෙසැම්බර් මාසයේ ගෙවුණු දිනවලදී පමණක් සංචාරකයින් 90,000 පමණ මෙරටට පැමිණ සිටින බවයි.
ඒ අනුව දෙසැම්බර් මාසය තුළ සමස්ත සංචාරකයින් 250,000 ක් පමණ ශ්රී ලංකාවට පැමිණෙනු ඇතැයි සංචාරක සංවර්ධන අධිකාරිය විසින් අපේක්ෂා කරන බවයි ඔහුගේ අදහස වී ඇත්තේ.
මෙම වසරේදී සංචාරකයන්ගේ පැමිණීම මිලියන 2.2 ක ඉලක්කයට ළගා වීමට අපේක්ෂා කරන බවද සභාපතිවරයා විසින් සදහන් කර තිබෙනවා.
2018 වසරෙන් පසුව ශ්රී ලංකාවට පැමිණි සමස්ත සංචාරකයන්ගේ සීමාව මිලියන 2.2 ඉලක්කය සපුරා ගන්නා පළමු අවස්ථාව මෙය විය හැකි බව බුද්ධික හේවාවසම් විසින් ප්රකාශ කර තිබීම ද විශේෂත්වයක්.
