උත්සව සමයේ මාර්ග ආරක්ෂාව ප්රවර්ධනය කිරීමේ අරමුණින් Rideshare සමාගමක් විසින් DiDi නම් වූ නව සේවාවක් ආරම්භ කර තිබෙනවා.
DiDi Tow නමින් හැඳින්වෙන මෙම සේවාව පාරිභෝගිකයින්ට ඔවුන් මත්පැන් පානය කර ඇත්නම් තමන් සහ ඔවුන්ගේ මෝටර් රථය ආරක්ෂිතව නිවසට ගෙන ඒම සඳහා DiDi යෙදුම හරහා ඇදගෙන යන ට්රක් රථයක් වෙන්කරවා ගැනීමට අවස්ථාව හිමිවනවා.
බීමත් රියදුරන් හේතුවෙන් සිදුවන මාර්ග අනතුරු අවම කිරීම මෙහි අරමුණ බව සදහන්.
සෑම වසරකම ඔස්ට්රේලියානු මහ මාර්ගවල අනතුරු වැඩියෙන්ම සිදුවන කාල සීමාව නත්තල් සමය වන අතර
මෙම තත්වය ඉදිරියෙදී පාලනය කිරීමට මෙම සේවාවට හැකිවනු ඇතැයි සදහන් කර තිබෙනවා.
මෙම නව Didi සේවාව මූලිකව වික්ටෝරියා කේන්ද්රගතව ආරම්භ වන අතර විශේෂයෙන් සති අන්තයේ මෙල්බන් හි Didi සේවා කඩිනමින් ලබා ගැනීමේ හැකියාව රියදුරන්ට හිමිවනවා.
DiDi Tow හරහා වාහන හිමිකරු මෙන්ම වාහනය ද ඉතා ආරක්ෂිතව ට්රක් රථයක නන්වා අදාළ ස්ථාන වෙත ගෙනැවිත් දෙන බවයි වාර්තා වන්නේ.
DiDi හි විදේශ කටයුතු ප්රධානී Dan Jordan සදහන් කළේ මෙය රටපුරා බීමතින් රිය පැදවීම අවම කිරීම සහ රිය ධාවනය ආරක්ෂිතව කිරීම සඳහා ගත් නව ක්රියාවලියක් බවයි.
