ඔස්ට්රේලියානු රාජකීය ගුවන් හමුදාවට අයත් Beechcraft King Air 350 වර්ගයේ ගුවන් යානයක් ශ්රී ලංකා ගුවන් හමුදාව වෙත ප්රදානය කිරීමේ නිල උත්සවය ඊයේ පැවැත්වුණා.
ඒ සමගම සමුද්රීය ආරක්ෂක තර්ජන මැඩලීම සඳහා ඔස්ට්රේලියාව සහ ශ්රී ලංකාව දක්වන කැපවීම තවදුරටත් ශක්තිමත් වන බවයි වාර්තා වන්නේ.
ඔක්තෝම්බර් මස අගදී ශ්රී ලංකා ගුවන් හමුදාවට නීත්යානුකූලව භාර දුන් නවීන ද්විත්ව එන්ජින් සහිත මෙම ගුවන් යානය මිනිසුන් ජාවාරම් ඇතුළු ජාත්යන්තර අපරාධවලට එරෙහිව ක්රියා කිරීම සඳහා ලැබුණු සුවිශේෂි අවස්ථාවක් ලෙස සදහන්.
මෙමගින් ශ්රී ලංකාවේ ගුවන් සමුද්ර නිරීක්ෂණ හැකියාව සැලකිය යුතු ලෙස වැඩිකිරිමට අවස්ථාව හිමිවනු ඇති.
ශ්රී ලංකා ගුවන් හමුදාධිපති එයාර් මාර්ෂල් උදේනි රාජපක්ෂ මහතා පෙන්වා දුන්නේ ඔස්ට්රේලියාවෙන් ලැබුණු මෙම ත්යාගය ඉන්දීය සාගර කලාපයේ ආරක්ෂාව පවත්වා ගැනීම සඳහා දෙරටේ අන්යෝන්ය සහයෝගය ශක්තිමත් කිරීමට උපකාරි වන බවයි.
“සමුද්රීය ආරක්ෂාවට තර්ජනයක් වන ක්රියාකාරකම්වලට එරෙහිව සටන් කිරීමට අපට ඇති හැකියාව ශක්තිමත් කරනවා පමණක් නොව අපගේ ජාතීන් අතර පවතින බැඳීම වැදගත් ලෙස අවධාරණය කරන ත්යාගයක් වන King Air 350 ගුවන් යානය ගැන මම අවංකවම ස්තූති වන්න වන බව” එයාර් මාර්ෂල් උදේනි රාජපක්ෂ සදහන් කළා.
