ඉදිරි ෆෙඩරල් මැතිවරණයෙන් කම්කරු පක්ෂයට නැවත වරක් ආණ්ඩු බලය හිමි වුවහොත් එක් පවුලකට සතියකට දින තුනක් ළමා සුරැකුම් සහනාධාර ලබා දෙන බවට ඔස්ට්රේලියානු අග්රාමාත්ය ඇන්තනී ඇල්බනීස් විසින් ප්රකාශ කර තිබෙනවා.
ඒ සදහා ඉදිරි වසර 5 ක කාල සීමාව තුළ ඩොලර් මිලියන 427 ක් වැය කිරීමට අපේක්ෂා කරන බවයි අග්රාමාත්යවරයා විසින් වැඩිදුරටත් සදහන් කර ඇත්තේ.
පසුගිය සැප්තැම්බර් මාසයේදී නිකුත් වූ Productivity Commission හි වාර්තාවක් හරහා නිර්දේශ කර ඇත්තේ වාර්ෂික ආදායම ඩොලර් 530,000 ක් දක්වා උපයන සෑම පවුලක් සදහාම සතියකට දින තුනක් ළමා සුරැකුම් සහනාධාර ලබා දෙන ලෙසයි.
මේ අතර පූර්ව ළමාවිය අධ්යාපන මධ්යස්ථාන ගොඩ නැංවීම සහ පුළුල් කිරීම වෙනුවෙන් ඩොලර් බිලියන 1 ක අරමුදලක් ද සකස් කරන බව ද මෙහිදී ඔස්ට්රේලියානු අග්රාමාත්යවරයා විසින් වැඩි දුරටත් අවධාරණය කර ඇත්තේ.
දැනට ක්රියාත්මක වන පවුලකට ලැබිය යුතු සහනාධාර මට්ටම තීරණය කිරීම සදහා යොදාගන්නා ක්රමවේදය ද ඉදිරි ෆෙඩරල් මැතිවරණයෙන් පසු ඉවත් කිරීමට සැලසුම් කරන බව අග්රාමාත්යවරයා විසින් විසින් සදහන් කර තිබීම ද විශේෂත්වයක්.
එළඹෙන වසරේ පැවැත්වීමට නියමිත ෆෙඩරල් මැතිවරණයෙන් කම්කරු පක්ෂය ජයග්රහණය කළහොත් මෙම ප්රතිපත්තීන් 2026 වසරේ ජනවාරි 1 වනදා සිට ක්රියාත්මක වන බවයි එහි දැක්වෙන්නේ.
