මෙල්බන් හි සීග්ර වර්ධනයක් අත් කර ගනිමින් සිටින ප්රදේශවල අධ්යාපනය සදහා වන ඉල්ලුම ඉදිරි වසර 10 ක කාල සීමාව තුළ වර්ධනය වන බවට නවතම අධ්යයනයක් ඔස්සේ හෙළිදරව් වී තිබෙනවා.
ඒ අනුව අදාළ කාල සීමාව වන විට ළදරු පාසල් ඇතුලු අධ්යාපන මධ්යස්ථාන විශාල ප්රමාණයක අවශ්යතාවය ඉදිරියේදී වර්ධනය වන බවයි Infrastructure Victoria විසින් වැඩිදුරටත් පෙන්වා දී ඇත්තේ.
2036 වසර වන විට එම කලාපය වෙත නව ළදරු පාසැල් 900 ක් පමණ අවශ්ය වන බවයි එහි නිර්දේශ වශයෙන් සදහන් කර තිබෙන්නේ.
ළමා කටයුතු අමාත්ය Lizzie Blandthorn විසින් අවධාරණය කර ඇත්තේ රජයේ අවධානයට ලක්ව තිබූ මෙම තත්වය අදාළ වාර්තාව හරහා තහවුරු වූ බවයි.
මේ අතර 2026 වසර වනවිට නව පාසල් 100 ක් පමණ ඉදි කිරීම සදහ රජය විසින් සැලසුම් සකස් කරන බවයි එහි දක්වා ඇත්තේ.
නමුත් Infrastructure Victoria විසින් සදහන් කර ඇත්තේ ඉදිරි වසර 10 කාල සීමාව සදහා තවත් පාසැල් 60 ක් පමණ අවශ්ය වන බවයි.
