Caruso විසින් අලෙවි කරන ලද ඖෂධ වර්ග කිහිපයක් යළි කැදවීමට පියවර ගෙන තිබෙනවා.
මෙලෙස සමාගම විසින් යළි කැදවීමට පියවර ගෙන ඇත්තේ Caruso’s Natural Health හි Wee Less , Bloat Eze Capsules සහ Ashwangandha 7500 Tablets යන වර්ගව ඇතුළු නිෂ්පාදන කිහිපයක් බවයි Australian Therapeutic Goods Administration (TGA) විසින් සදහන් කර ඇත්තේ.
TGA විසින් අවධාරණය කර ඇත්තේ එම Caruso නිෂ්පාදනවල තිබී වෙනස් පෙනුමක් ඇති සැක උපදවන ආකාරයේ Capsules වර්ග හමුවී ඇති බවයි.
මෙම සැක කටයුතු Capsules වල ස්වභාවය සහ ඒ හරහා පාරිභෝගිකයන්ට ඇති විය හැකි අවදානම් තත්වය පිළිබදව මෙතෙක් හදුනාගෙන නොමැති බවයි වාර්තා වන්නේ.
කෙසේ වෙතත් මේ සම්බන්ධයෙන් සිදු කළ මූලික පරීක්ෂණවලට අනුව මේවායේ කොකෝවා කුඩු සහ Probiotics අඩංගු විය හැකි බවයි අනුමාන කෙරෙන්නේ.
මේ හරහා බලපෑම් එල්ල වී ඇත්තේ Wee Les හි Q01661 , Bloat Eze හි Q01516 , Q01518 සහ Ashawangandha 7500 හි Q01687 යන කාණ්ඩ අංකවලට අයත් නිෂ්පාදන සදහා පමණක් බවයි එහි වැඩිදුරටත් දැක්වෙන්නේ.
