ඔස්ට්රේලියාවේ රැකියාවල නියුතු පුද්ගලයන්ගේ වැටුප් සම්බන්ධ දත්ත වාර්තාවක් නිකුත් වී තිබෙනවා.
ඔස්ට්රේලියානු සංඛ්යා ලේඛන කාර්යංශ (ABS) දත්ත වාර්තාවලට අනුව පෙන්නුම් කරන්නේ සාමාන්ය ඔස්ට්රේලියානු සේවකයෙකු විසින් සතියකට ඩොලර් 1400 ක වැටුපක් උපයා ගන්නා බවයි.
2023 වසරේ අගෝස්තු මාසයේ සිට මධ්යයන සති වැටුප් ඩොලර් 1300 සිට ඩොලර් 1396 දක්වා ඉහළ ගොස් ඇති අතර එම අගය ප්රතිශතයක් ලෙස ගත් කළ 7.4% ක් බවයි එම වාර්තා මගින් අවධාරණය කෙරෙන්නේ.
අර්ධ කාලීන රැකියාවල නිරතවන සේවකයන්ගේ සතියක මධ්යයන වැටුප ඩොලර් 691 ක් ලෙස සටහන් ව තිබීම ද විශේෂත්වයක්.
මේ අතර ඔස්ට්රේලියානු සේවිකාවන්ගේ සතියක මධ්යයන වැටුප ද ඉහළ ගොස් තිබෙන බවයි ABS දත්ත වාර්තා මගින් වැඩිදුරටත් පෙන්වා දී ඇත්තේ.
කෙසේ වෙතත් ඔස්ට්රේලියානු සේවකයන් විසින් සේවිකාවන්ට සාපේක්ෂව සතියකට දළ වශයෙන් ඩොලර් 377 ක වැඩි වැටුපක් උපයන බව ද සදහන්.
