මෙල්බන් හි රදගුරු මයිකොලා බයිචොක් (Mykola Bychok) කාදිනල් තනතුර දක්වා උසස් කර තිබෙනවා.
අද (08) වතිකානුවේ ශාන්ත පීතර බැසිලිකා හීදී අති උතුම් ෆැන්සිස් පාප් වහන්සේ විසින් මෙම උසස් වීම ලබා දී තිබෙන බවයි සදහන් වන්නේ.
යුක්රේන සම්භවයක් සහිත මයිකොලා බයිචොක් පසුගිය වසරේ සිදු වූ ජෝර්ජ් පෙල්ගේ අභාවයෙන් පසුව ඔස්ට්රේලියාවෙන් පත්වූ පළමු කාදිනල්වරයා ලෙසයි සැලකෙන්නේ.
44 වන වියේ පසුවන රදගුරු බයිචොක්, ෆ්රැන්සිස් පාප් වහන්සේ විසින් උසස් වීම් ප්රදානය කළ කාදිනල්වරුන් 21 දෙනා අතරින් ලාබාලතමයා ලෙසයි හැදින්වෙන්නේ.
නව කාදිනල් තනතුර හරහා දැනට ක්රියාත්මක වන යුක්රේන යුද්ධය සම්බන්ධව ජනතාව දැනුවත් කරන බවට ඔහු විසින් ප්රතිඥා දී තිබෙනවා.
කතෝලික පල්ලිය තුළ පාප්තුමාට පසුව එන ජ්යේෂ්ඨතම තනතුර වන්නේ කාදිනල් ධූරය වීම ද විශේෂත්වයක්.
