ඔස්ට්රේලියානු වීසා බලපත්රලාභියෙකු හෝ අයදුම්කරුවෙකු නම් ඔස්ට්රේලියාවට හෝ ඉන් පිටතට යාමට පෙර ඔබට නව විදේශ ගමන් බලපත්රයක් තිබේදැයි ස්වදේශ කටයුතු දෙපාර්තමේන්තුව දැනුවත් කළ යුතු බව නිවේදනය කර තිබෙනවා.
ස්වදේශ කටයුතු දෙපාර්තමේන්තුව පවසන්නේ එසේ දැනුම් දීමෙන් ඔබගේ නව විදේශ ගමන් බලපත්රය ඔබගේ වීසා බලපත්රය හෝ අයදුම්පත්රයට සම්බන්ද කළ හැකි බවයි.
ඔබගේ ඔස්ට්රේලියානු වීසා බලපත්රය ලබා දීමෙන් පසු ඔබට නව විදේශ ගමන් බලපත්රයක් ලැබී ඇත්නම් ඔබේ තොරතුරු අදාළ පද්ධතියට ඇතුලත් වන බව වැඩිදුරටත් සඳහන්.
ඔබ සංචාරය කිරීමට පෙර මෙය නොකරන්නේ නම් ඔබට යළි ඔස්ට්රේලියාවට යාමට උත්සාහ කිරීමේදී ප්රමාදයන් අත්විඳිය හැකි බව වැඩිදුරටත් දන්වා තිබෙනවා.
මෙය සියලුම ඔස්ට්රේලියානු වීසා හිමියන්ට සහ අයදුම්කරුවන්ට අදාළ වන බවයි ස්වදේශ කටයුතු දෙපාර්තමේන්තුව දැනුම් දී ඇත්තේ.
ඔබ විදේශයක සිට ඔස්ට්රේලියාවට පැමිණෙන්නේ නම් හෝ ඔබ ඔස්ට්රේලියාවේ ස්ථිර පදිංචිකරුවෙකු වුවද මෙම නව ක්රමවේදයට යටත්විය යුතු බව සඳහන්.
ඔබගේ ImmiAccount වෙත ප්රවේශ වීමෙන් විදේශ ගමන් බලපත්ර විස්තර පහසුවෙන් යාවත්කාලීන කළ හැකි අතර බොහෝ යාවත්කාලීන කිරීම් ක්ෂණිකව සිදු කෙරෙන බව දැනුම් දෙනවා.
මෙය ඔබගේ විදේශ ගමන් සැලසුම් බාධාවකින් තොරව කරගෙන යාමට ඉඩ සලසන බවයි වැඩිදුරටත් සදහන් වන්නේ.
