මෙල්බර්න් හි සුදු වෑන් වලින් ළමුන් පැහැර ගැනීමේ උත්සාහයන් ගැන වික්ටෝරියා පොලිසිය විමර්ශන ආරම්භ කර තිබෙනවා.
පසුගිය අඟහරුවාදා උදෑසන 8.30 ට පමණ බෝරෝනියා හයිට්ස් ප්රාථමික පාසල අසල දී මෙලෙස දරුවෙක් පැහැරගැනීමට තැත්කළ බවටයි අනාවරණය වී ඇත්තේ.
පසුගිය සති තුන තුළ Blackburn සහ Tullamarine
බ්ලැක්බර්න් සහ ටුලමරීන් හි ද මෙවැනි ළමුන් පැහැර ගැනීමට තැත් කිරීමේ සිද්ධි දෙකක් වාර්තා වී තිබුණා.
ඒ අනුව ගොවුණු මාසය තුළ ළමුන් පැහැර ගැවීමට තැත් කිරීමේ උත්සහ තුනක් පිළිබද පැමිණිලි ලැබී ඇති අතර වික්ටෝරියා පොලීසිය විමර්ශන ආරම්භ කර තිබෙනවා.
එම සිද්ධීන් දෙකට සුදු වෑන් රථයක් සම්බන්ධ වූ නමුත් අපරාධකරුවන් ගේ විස්තර එකිනෙකටට වෙනස් බවයි CCTV වාර්තා අනුව තහවුරු වී ඇත්තේ.
අදාළ සැකකටයුතු සුදු වැන් රථ තනිව ඇවිදන් යන ළමුන් ඉලක්ක කරගෙන ඇති අතර දෙමාපියන් විසින් ලද පණිවුඩයක් යැයි කියමින් ළමුන් වාහානයට නගවා ගැනීමට උත්සහ කර ඇති බවයි වාර්තා වන්නෙක්.
කෙසේ වෙතත් වික්ටෝරියා පොලීසිය දෙමාපියන්ට දැනුම් දෙන්නේ තම දරුවන්ට මෙහි අවදානම පිළිබද නිරතුරු උපදෙස් දෙන ලෙසයි.
