ඔස්ට්රේලියානු බදු කාර්යාලය (ATO) විසින් GST වංචාවන් සිදුකරන ව්යාපාර හිමියන්ට එරෙහිව නීතිමය පියවර ගනිමින් සිටින බව ප්රකාශ කර තිබෙනවා.
GST වංචාවන් සිදුකරන ව්යාපාරවල වර්ධනයක් පෙන්නුම් කරන පසුබිමක Serious Financial Crimes Taskforce (බරපතල මූල්ය අපරාධ සම්බන්ධ කාර්ය සාධක බලකාය) විසින් මේ සම්බන්ධව අනතුරු ඇඟවීමක් නිකුත් කර තිබෙන බවයි සදහන් වන්නේ.
ඔස්ට්රේලියාවේ තුළ ක්රියාත්මක වන ව්යාපාරයන්වලට සාමාන්ය බදු ප්රතිලාභ හෝ වාර්ෂික බදු වාර්තා ඉදිරිපත් කිරීමෙන් පසුව අදාල ව්යාපාර විසින් ගෙවූ GST වලින් කොටසක් ලබාගැනීමට හැකියාව තිබීම ද විශේෂත්වයක්.
මේ අතර ඔස්ට්රේලියානු බදු කාර්යාලය (ATO) විසින් දක්වා ඇත්තේ ඇතැම් ව්යාපාර හිමියන් විසින් GST ලෙස ගෙවූ මුදල් ආපසු ලබාගැනීමේ ක්රියාවලියේදී විවිධ වංචනික උපක්රම භාවිතා කරමින් වැඩි මුදලක් ආපසු ලබාගන්න බවයි.
2022 වසරේ අප්රේල් මාසයේ සිට 2023 වසරේ ජූනි මාසය අතර කාලසීමාවේදී 57,000 කට වැඩි පිරිසක් GST ආපසු ලබා ගැනීමේදී බදු කාර්යාලයට වංචා කර තිබෙන අතර එම මුදල ඩොලර් බිලියන 2 ක් පමණ වන බවයි වැඩිදුරටත් දැක්වෙන්නේ.
ඔස්ට්රේලියානු ජාතික විගණන කාර්යාලය විසින් සැක පල කරන්නේ 2023 වසරේ ඔක්තෝබර් කාල සීමාවට අදාලව බදු කාර්යාලයේ සේවය කරන නිලධාරීන් 150 කට අධික පිරිසක් මෙම වංචාවන් සදහා සම්බන්ධ වී තිබෙන බවයි.
