ප්රංශ රජයට එරෙහිව ඉදිරිපත් වූ විශ්වාසභංගය පරාජයට පත්වීම හේතුවෙන් එරට රජය බිඳ වැටී තිබෙනවා.
ඒ අගමැති මිචෙල් බානියර් ඇතුළු කැබිනට් මණ්ඩලයට එරෙහි විශ්වාසභංග යෝජනාවට සහය දක්වමින් මන්ත්රීවරුන් ඡන්දය ලබාදීම හේතුවෙන් බවයි සදහන් වන්නේ.
අගමැතිවරයාට එරෙහි යෝජනාව සම්මත වීමට ඡන්ද 288ක් අවශ්යව තිබූ අතර ඡන්ද 331 ක් ලැබීමත් සමග බහුතර අනුමැතියෙන් යෝජනාව සම්මත වුණා.
1962 වසරෙන් පසුව විශ්වාසභංග යෝජනාවකින් පසු ප්රංශ රජයක් බිඳ වැටුණු පළමු අවස්ථාව ලෙසද මෙය ඉතිහාසගත වනවා.
පසුගිය හදිසි මැතිවරණයෙන් පසුව පාර්ලිමේන්තුවේ තනි කණ්ඩායමකට බහුතර බලයක් නොතිබූ අතර ජනාධිපති මැක්රොන් විසින් අනුප්රාප්තික අගමැතිවරයෙකු තෝරා ගැනීමට නියමිතයි.
ප්රංශ ජනාධිපති මැක්රෝන් අද ජාතිය අමතා විශේෂ ප්රකාශයක් කිරීමට ද නියමිත බවයි වාර්තා වන්නේ.
