හෙට දින ඔස්ට්රේලියාවේ ප්රධාන නගර රැසක උෂ්ණත්වය සෙල්සියස් අංශක 40 ඉක්මවා යා හැකි බව කාළගුණ විද්යා කාර්යාංශය පුරෝකතනය කර තිබෙනවා.
ඒ අනුව වික්ටෝරියා හි උෂ්ණත්වය හෙට උණුසුම උපරිම අගයක් ගනු ඇති අතර මෙල්බර්න් හි උෂ්ණත්වය සෙල්සියස් අංශක 34 ක උපරිම උෂ්ණත්වයක් කරා ගමන් කරනු ඇති බව සදහන්.
ඇඩිලේඩ් හි උෂ්ණත්වය සෙල්සියස් අංශක 38 ක් දක්වා ඉහළ යනු ඇති අතර දකුණු ඔස්ට්රේලියාවේ අනෙකුත් ප්රදේශවලට උෂ්ණත්වය සෙල්සියස් අංශක 40 ඉක්මවා යනු ඇති බවයි වාර්තා වන්නේ.
විශේෂයෙන් දකුණු ඔස්ට්රේලියාවට ඉදිරි සතිය උෂ්ණත්වය සාපේක්ෂව ඉහළ අගයක් ගනු ඇති බව කාළගුණ නිවේදනයේ සදහන්.
නමුත් ඔස්ට්රේලියාව සහ ඉන්දියාව අතර ඇඩිලේඩ් ඕවල් ක්රීඩාංගණයේදී පස්වරු 2.30ට ආරම්භ වන ටෙස්ට් තරගයේදී ක්රිකට් ලෝලීන්ට අංශක 33ක උපරිමයක් අපේක්ෂා කළ හැකි බවයි වැඩිදුරටත් දන්වා ඇත්තේ.
මෙම සතියේ ඇඩිලේඩ් වැසියන්ට රාත්රී කාලයේ උෂ්ණත්වය යම්තාක් ඉහළ අගයක් ගන්නා බව සදහන් වන අතර බොහෝ ප්රදේශ වල උෂ්ණත්වය සෙල්සියස් අංශක 30 ඉක්මවා අගයක් වාර්තා කරනු ඇති.
