වසරේ මේ දක්වා ගතවූ මාස 11 ක කාලසීමාව තුල ශ්රී ලංකාවට පැමිණි සංචාරකයින් සංඛ්යාව ලක්ෂ 18 ඉක්මවා තිබෙනවා.
නොවැම්බර් 30 වනදායින් අවසන් වූ මාස 11 තුළ සංචාරකයින් 1,804,873 ක් ශ්රී ලංකාවට පැමිණ ඇති බවයි වාර්තා වන්නේ.
නොවැම්බර් මාසයේ පමණක් ශ්රී ලංකාවට පැමිණි සංචාරකයින් ගණන එක් ලක්ෂ අසු හතරදහස ඉක්මවා තිබෙනවා.
මේ අතර ශ්රී ලංකාවට මෙම වසරේ වැඩිම සංචාරකයින් පිරිසක් පැමිණ ඇත්තේ ඉන්දියාවෙන් වන අතර එම අගය 364093ක්.
දෙවනුව රුසියානුවන් සහ තෙවනුව බ්රිතාන්ය ජාතිකයින් වැඩි වශයෙන් ශ්රී ලංකාව සංචාරක ගමනාන්ත ලෙස තෝරා ගෙන ඇති බව සදහන්.
2024 වසරේ නොවැම්බර් 30 දක්වා ඔස්ට්රේලියානු සංචාරකයින් 76464ක් ශ්රී ලංකාව වෙත පැමිණ ඇති අතර ගතවූ නොවැම්බර් මාසයේ පමණක් ඔස්ට්රේලියානුවන් 7937 ශ්රී ලංකාවට පැමිණ ඇති බවයි වාර්තා වන්නේ.
මෙම වසරේ ජූලි මාසයෙන් පසු වැඩිම සංචාරකයින් පිරිසක් ශ්රී ලංකාවට පැමිණ ඇත්තේ නොවැම්බරයේ වීමද විශේෂත්වයක්.
2018 වසරෙන් පසු නොවැම්බර් මස මෙවැනි සංචාරක ආකර්ෂණයක් ශ්රී ලංකාවට හිමිවූ පළමු අවස්ථාව මෙයයි.
