නැගෙනහිර ඔස්ට්රේලියාව තුළ ඉදිරි දින කිහිපයේදී දරුණු කුණාටු සහිත අධික වර්ෂාපතනයක් ඇතිවීමේ අවදානමක් පවතින බව සදහන් වනවා.
ඉදිරි දිනවල දී ක්වීන්ස්ලන්ඩ්, නිව් සවුත් වේල්ස් , වික්ටෝරියා සහ ටස්මේනියා යන ප්රාන්තවල ප්රදේශ රැසකට ගිගුරුම් සහිත වැසි ඇති විය හැකි බවයි සදහන් වන්නේ.
කාලගුණ විද්යා කාර්යංශයේ ජ්යෙෂ්ඨ කාලගුණ විද්යාඥ ඩීන් නාරමෝර් විසින් අනතුරු අඟවා ඇත්තේ මෙම වැසි අධික කාලගුණ තත්වය හේතුවෙන් නැගෙනහිර ඔස්ට්රේලියාවේ ප්රාන්ත රැසක හදිසි ගංවතුර තත්වයන් ඇති විය හැකි බවයි.
වික්ටෝරියා ප්රාන්තයේ ඊසාන දිග ප්රදේශවලට මෙන්ම ක්වීන්ස්ලන්ඩ් ප්රාන්තයේ ඇතැම් උතුරු ප්රදේශවලට ද ඉදිරි දිනවලදී මිලිමීටර් 100 දක්වා වර්ෂාපතනයක් ඇද හැලෙන බවද සදහන් වනවා.
මෙම වැසි සහිත කාලගුණ තත්වය හේතුවෙන් එම ප්රදේශවල ද හදිසි ගංවතුර තත්වයන් ඇතිවීමේ ඉඩකඩක් පවතින බවයි කාලගුණ විද්යා කාර්යංශය විසින් සදහන් කර ඇත්තේ.
මේ අතර මෙම අයහපත් කාලගුණික තත්වය හේතුවෙන් හදිසි සේවාවන් තුළින් ලැබෙන උපදෙස් කෙරෙහි අවධානය යොමු කරන ලෙසද කාලගුණ විද්යා කාර්යංශය විසින් වැඩිදුරටත් සදහන් කර තිබෙනවා.
