විදුලි බිල්පත් සඳහා වඩාත්ම මිල අධික ඔස්ට්රේලියානු ප්රාන්තය නම් කර තිබෙනවා.
ඔස්ට්රේලියානු පවුත් තම බිල්පත් අතුරින් වැඩිම අරගලයක නිරතවන්නේ විදුලි බිල්පත් සදහා වන අතර ඔස්ට්රේලියානු බලශක්ති නියාමකය ආයතන විසින් සිය 2023/2024 වාර්තාවේ විදුලිය සඳහා ලාභම සහ මිල අධිකම ප්රාන්ත ලැයිස්තුගත කර තිබුණා.
ඒ අනුව ඔස්ට්රේලියාවේ විදුලිය සදහා අවම මුදලක් වැය වන්නේ ක්වින්ස්ලන්ඩ් ප්රාන්තයට වන අතර එහි වාර්ෂික විදුලි බිල්පත් අගය ඩොලර් 1617ක්
NSW පදිංචිකරුවන් ඔවුන්ගේ වාර්ෂික විදුලි බිල්පත් සදහා වැයවන මුදල ඩොලර් 1952ක්.
ACT ප්රධාන පරිපාලන කළාපය තුල ජීවත්වන ඔස්ට්රේලියානුවන්ට විදුලිය සදහා වාර්ෂිකව ඩොලර් 2118 ක මුදලක් ගෙවීමට සිදුවන බවයි අනාවරණය වන්නේ.
එම අගය 2022/23 මූල්ය වර්ශයට සාපේක්ෂව ඩොලර් 50ක වැඩිවීමක් බව සදහන්.
දකුණු ඔස්ට්රේලියාවේ ද පසුගිය මූල්ය වර්ෂයේ දී විදුලිය සඳහා සාමාන්යයෙන් වාර්ෂික ඩොලර් 2231 ක් වැය කරන අතර එම වාර්තාවට අනුව මෙහි වියදම ඉහළ බවයි වාර්තා වන්නේ.
තවද ටස්මේනියානුවන්ට ඔවුන්ගේ විදුලි බිල්පත් සඳහා සාමාන්යයෙන් වාර්ෂික වැඩි මුදලක් වියදම් කරන අතර එම අගය සදහන් වන්නේ ඩොලර් 2748 ක් ලෙසයි.
කෙසේ වෙතත් මෙම ශ්රේණිගත කිරීමට වික්ටෝරියා, NT සහ බටහිර ඔස්ට්රේලියාව ඇතුළත් කර නැහැ.
