Woolworth සුපිරි වෙළඳසැල් ජාලයට සම්බන්ධ බෙදාහැරීමේ මධ්යස්ථාන රැසක සේවකයින් 1500කට අධික පිරිසක් වැටුප් කොන්දේසි මුල් කරගනිමින් දින 12ක සිට වැඩ වර්ජනයක් ආරම්භ කර තිබෙනවා.
මේ හේතුවෙන් වික්ටෝරියා හි Woolworth වෙළදසැල් 4ක සහ නිව් සවුත් වේල්ස් අලෙවිසැල් රැසක කටයුතු වලට බාධා මතුව ඇති බවයි වාර්තා වන්නේ
සේවකයින් සියයට 25කින් වැටුප් වැඩිකිරීමක් ඉල්ලා සිටින අතර ඉදිරි වසර 2 තුළ එම අගය සියයට 30 දක්වා ඉහළ දැමිය යුතු බවටයි ඉල්ලීම් කර ඇත්තේ.
Woolworth ගබඩා 8ක සේවකයින් මෙලෙස වෘත්තීය ක්රියාමාර්ග ආරම්භ කර ඇති බව සදහන්.
මෙල්බන් හි Woolworths වෙළඳසැල් වෙත ගිය බොහෝ පාරිභෝහිකයින් සදහන් කර ඇත්තේ වෙළදසැල් රාක්ක රැසක අත්යවශ්ය භාණ්ඩ හිගයක් පැවති බවයි.
රසකැවිලි, සිසිල් බීම, ශීතකළ පලතුරු එලවලු සහ පාන් සති අන්තයේ සමහර වෙළඳසැල්වල හිඟයක් පවතින බවට සාප්පු හිමියන් ද පැමිණිලි කර තිබෙනවා.
Woolworths ආයතනය පැවසුවේ වෘත්තීය සංගම් සමග සාකච්ජා කරන බවත් උත්සව සමයේ පාරිභෝගිකයින්ට හිගයකින් තොරව අත්යවශ්ය භාණ්ඩ ලබා දීමට අවස්ථාව හිමිකරදීමට කටයුතු කරන බවයි.
