සෑම වසරකම ඔස්ට්රේලියානුවන් 2000 ක් පමණ සමේ පිළිකාවන්ගෙන් මිය යන බව හදුනාගෙන තිබෙනවා.
මෙල්බර්න් හි විද්යාඥයින් විසින් වැඩි දියුණු කරන ලද නව රුධිර පරීක්ෂාවකින් පියවි ඇසට පෙනෙන්නටත් පෙර මෙලනෝමා තත්ව හඳුනාගැනීමේ නව පර්යේෂණයක් සිදුකර තිබුණා.
රුධිර පරීක්ෂණ මගින් පිළිකාවේ ජෛව සලකුණු මනින අතර සමේ රෝග ලක්ෂණ පෙන්වීමට පෙර පිළිකාකාරක මෙලනෝමා හඳුනා ගත හැකි බවයි වාර්තා වන්නේ.
රුධිර පරීක්ෂාව මහින් සමේ පිළිකා ආසාධන හදුනාගැනීමේ ක්රමවේදයට සොඛ්ය අංශ විසින් නීතිමය අවසරය ලබා දෙන්නේ නම් එම ක්රමවේදය ලබන වසරේ සිට සාර්ථකව සිදු කිරීමට සුදානම් බවයි මෙල්බන් විශේෂඥයින් පවසන්නේ.
නමුත් මෙය ලාභදායී ක්රමවේදයක් නොවන අතර රෝගීන්ට එක් පරීක්ෂණයකට ඩොලර් 1200 ක් සහ ඩොලර් 1500 ක් අතර මුදලක් වැය වීමට නියමිත බව සදහන්.
මෙම තාක්ෂණය නව නිපැයුම්කරු Genesq Biosciences සහ Australian Clinical Labs (ACL) සමඟ එක්ව සංවර්ධනය කරන ලද්දක් බවයි වාර්තා වන්නේ.
මෙලනෝමා තත්ව යනු ඔස්ට්රේලියාවේ තුන්වන වඩාත් සුලභ පිළිකාවක් වන අතර එය වයස අවුරුදු 20 සහ 39 අතර ඔස්ට්රේලියානුවන් අතර බහුලව දක්නට ලැබෙන බවයි වාර්තා වන්නේ.
මෙලනෝමා වලින් සියයට 90 ක් පමණ ඉක්මනින් හදුනාගැනීම සිදුකළහොත් ශල්යකර්මයකින් සුව කළ හැකි බව සදහන්.
