Monarch Institute විසින් 2020-2021 මූල්ය වර්ෂයට අදාල Tax Returns දත්ත වලට අනුව ඔස්ට්රේලියාවේ ඉහලම වැටුප් ලබන රැකිය ක්ෂේත්ර 15 නම් කර තිබෙනවා.
මෙම ශ්රේණිගත කිරීමේදී පළමු ස්ථානය හිමි කර ගෙන ඇත්තේ ස්නායු ශල්ය වෛද්යවරුන් (Neurosurgeons) වන අතර ඔවුන්ගේ සාමාන්ය වාර්ෂික වැටුප ඩොලර් 426,896 ක් බවයි සදහන් වන්නේ.
ඩොලර් 426,894 ක සාමාන්ය වාර්ෂික වැටුපක් ලබාගන්නා නිර්වින්දන වෛද්යවරුන් ට (anaesthetists) මෙහි දෙවන ස්ථානය හිමි තිබෙනවා.
මෙම ලැයිස්තුවේ තෙවන ස්ථානයට පත්ව ඇත්තේ මූල්ය තැරැව්කරුවන් (Financial Dealers) වන අතර ඔවුන්ගේ සාමාන්ය වාර්ෂික වැටුප ඩොලර් 341,789 ක් ලෙස සටහන් වී තිබීම ද විශේෂත්වයක්.
අභ්යන්තර විශේෂඥ වෛද්ය ක්ෂේත්රයට (Internal Medicine Specialist) මෙම ශ්රේණිගත කිරීමේදී සිව් වන ස්ථානය හිමිව තිබෙන පසුබිමක ඔවුන්ගේ සාමාන්ය වාර්ෂික වැටුප ඩොලර් 334,261 ක් ලෙස සටහන් ව තිබීම ද කැපී පෙනෙනවා.
මෙහි පස් වන ස්ථානය මනෝ චිකිත්සක (Psychiatrist) රැකියා ක්ෂේත්රය වෙත හිමිව තිබෙන අතර ඔවුන්ගේ සාමාන්ය වාර්ෂික වැටුප ඩොලර් 270,412 ක් ලෙසයි සටහන් වී ඇත්තේ.
පරිගණක ආරක්ෂණ විශේෂඥයින්ට මෙම ලැයිස්තුවේ අවසන් ස්ථානය හිමිවෙද්දී ඔවුන්ගේ සාමාන්ය වාර්ෂික වැටුප ඩොලර් 135,739 ක් ලෙස සටහන් වී තිබෙන බව වැඩිදුරටත් සදහන්.
