National Coronial තොරතුරු පද්ධතිය විසින් නිකුත් කර තිබෙන දත්ත වාර්තාවලට අනුව ඔස්ට්රේලියාව තුළ මිනිස් මරණ සදහා වැඩි වශයෙන්ම වගකිව යුතු සත්වයන් 11 දෙනා නම් කර තිබෙනවා.
ඔස්ට්රේලියානුවන් වැඩි ප්රමාණයකගේ මරණවලට වගකිව යුතු සත්වයින් අතරින් පළමු ස්ථානය අශ්වයාට හිමිවී තිබෙන අතර එහි දෙවන ස්ථානය ගවයාට හිමිව තිබීම ද විශේෂත්වයක්.
මෙම ලැයිස්තුවේ තෙවන ස්ථානය සුනඛයා වෙත හිමිව තිබෙන පසුබිමක එහි සිව් වන ස්ථානය කැන්ගරුවාට හිමිව තිබෙන බවයි සදහන් වන්නේ.
සර්පයින් සහ සහ මී මැස්සන් ද ඔස්ට්රේලියානුවන් වැඩි පිරිසකගේ මරණවලට වගකිව යුතු අතර ඔවුන්ට මෙම ලැයිස්තුවේ පිළිවෙලින් පස්වන සහ හයවන ස්ථාන හිමි වී තිබෙනවා.
මෝරුන් සහ කිඹුලන් මෙම ශ්රේණිගත කිරීමේදී පිළිවෙලින් හත් වන ස්ථානය සහ අට වන ස්ථානය හිමි කර ගෙන තිබෙන බව ද වැඩිදුරටත් සදහන්.
Wombats සහ තවත් සත්ව කාණ්ඩයකට සතුන්ට මෙම ලැයිස්තුවේ නව වන ස්ථානය හිමිව තිබෙන අතර මෙහි දස වන ස්ථානය බළලුන්ට හිමිව තිබීම ද කැපී පෙනෙනවා.
ශ්රේණිගත කිරීමේ එකොලොස් වන ස්ථානය බැටළුවන්ට සහ එළුවන්ට හිමිවී ඇති බවයි එම වාර්තාවේ සදහන් වන්නේ.
