හෙට (ඉරිදා) සිට නිව් සවුත් වේල්ස්, වික්ටෝරියා, දකුණු ඕස්ට්‍රේලියාව, ටස්මේනියාව සහ ACT ප්‍රාන්තවල Daylight Savings ක්‍රමය නතර වේ.
ඒ අනුව දැනට භාවිත වන වේලාව පැයකින් අඩුවීමට නියමිතයි.
බටහිර ඕස්ට්‍රේලියාව, ක්වීන්ස්ලන්තය සහ උතුරු ප්‍රදේශය තුළ මෙම ක්‍රමය ක්‍රියාත්මක වන්නේ නැහැ.
Daylight Savings ක්‍රමය ඔක්තෝබර් මාසයේ පළමු ඉරිදා අලුයම 2 ට (AEST) ආරම්භ වන අතර අප්‍රේල් මාසයේ පළමු ඉරිදා අලුයම 3 ට (AEDT) අවසන් වේ.
මෙයින් අදහස් කරන්නේ හෙට (ඉරිදා) අලුයම 3 ට ඔබේ ඔරලෝසුව පැය 01 කට ආපසු හැරවිය යුතු බවයි.
ඔබගේ ස්මාර්ට් ජංගම දුරකථනය සහ පරිගණක වේලාව ස්වයංක්‍රීයව යාවත්කාලීන කරනු ඇති නමුත් ඇනලොග් ඔරලෝසු, ඇතැම් මෝටර් රථ, අනතුරු ඇඟවීමේ ඔරලෝසු හෝ මයික්‍රෝවේව් වැනි වෙනත් උපාංග යාවත්කාලීන කිරීමට අවශ්‍ය වේ.
