“SQM Research” හි නවතම Boom and Bust වාර්තාවට අනුව 2025 වසර වනවිට මෙල්බන් සහ සිඩ්නි හි නිවාස මිල තව දුරටත් පහත වැටීමට නියමිත බව සදහන් වනවා.
කෙසේ වෙතත් ඔස්ට්‍රේලියාවේ සාමාන්‍ය මධ්‍ය නිවාස මිල 1% ත් 4% ත් අතර අගයකින් ඉහල යා හැකි බව ද එම වාර්තාව ඔස්සේ පෙන්වා දී තිබෙනවා.
SQM Research දත්ත වාර්තා පෙන්වා දෙන්නේ 2025 වසර වනවිට මෙල්බන් සහ නිවාස මිල 5% සිට 1% ක් දක්වා පහත වැටෙන බවයි.
2025 වසරේදී වැඩිම නිවාස මිල ඉහල යෑම වාර්තා වන්නේ පර්ත් හීදී බවත් එම අගය 14% සිට 19% ක් දක්වා වර්ධනය විය හැකි බවයි එම දත්ත වාර්තා වැඩිදුරටත් පෙන්වා දෙන්නේ.
මෙවැනි තත්වයක් තුළ බ්‍රිස්බන් හි නිවාස මිල 9% සිට 14% ක් දක්වා ඉහල යන අතර ඇඩිලේඩ් හි නිවාස මිල ද 8% සිට 13% ක් දක්වා ඉහල යා හැකි බවයි සදහන් වන්නේ.
ඩර්වින් නිවාස මිලද 2025 වර්ෂයේදී 5% සිට 8% ක් දක්වා වර්ධනය වන පසුබිමක හෝබාර්ට් හි නිවාස මිල 3% කින් අඩුවී නැවත 2% කින් ඉහල යන බව ද එහි දක්වා තිබෙනවා.
SQM Research දත්ත වාර්තාවලට අනුව කැන්බරා හි නිවාස මිල ද ඉදිරි වසරේදී 6% සිට 2% ක් දක්වා අඩුවිය හැකි බවයි වැඩිදුරටත් සදහන් වී ඇත්තේ.
