අද (20) සිට ඔස්ට්‍රේලියානුවන්ට නත්තල් සීයා වෙත ඇමතුම් ලබා ගැනීමට අවස්ථාව හිමිව තිබෙනවා.
උත්තර ධ්‍රැවය දක්වා දිවෙන මෙම දුරකතන මාර්ගය අද දිනයේදී නිල වශයෙන් විවෘත වූ අතර #HO HO HO (#46 46 46) යන දුරකතන අංකයට Telstra Payphone භාවිතයෙන් ඇමතුමක් ලබා ගැනීම තුළින් ඔස්ට්‍රේලියානුවන්ට නත්තල් සීයා සමග කතා කිරීමට අවකාශය හිමිව තිබෙන බවද සදහන්.
ඔස්ට්‍රේලියාව පුරා තිබෙන Telstra Payphone භාවිතයෙන් නොමිලේම මෙම අත්දැකීම ලබා ගැනීමට හැකියාව ඇති අතර මෙල්බන් , සිඩ්නි සහ බ්‍රිස්බන් හි තිබෙන Telstra වෙළද සැල්වලට පැමිණීමෙන් ද ඔස්ට්‍රේලියානුවන්ට නත්තල් සීයා සමග සම්බන්ධ වීමට අවස්ථාව හිමි ව තිබෙනවා.
කුඩා ළමුන්ට නත්තල් සීයා සමග අවශ්‍ය ඕනෑම දෙයක් ගැන සාකච්ඡා කිරීමට මේ ඔස්සේ අවස්ථාව හිමි වන බවයි වැඩිදුරටත් සදහන් කර ඇත්තේ.
නත්තල් දින සවස් කාලය දක්වා නත්තල් සීයා වෙත තෑගි ඉල්ලීම් ඉදිරිපත් කිරීම සදහා මෙම ක්ෂණික ඇමතුම් අංකය විවෘතව පවතින බවයි වාර්තා වන්නේ.
