ලොව හොඳම නිර්මාණකරුවන් අතරට ගිය ලංකාවේ “අසංග”

වසර 28ක් පුරා අයිස් මූර්ති ශිල්පයේ නිරත වන අසංග අමරසිංහ මේ වන විට දිවි ගෙවන්නේ දකුණු ලන්ඩනයේ යි.
එංගලන්තයේ ඉතා සුන්දර පරිසරයක පිහිටි ‘techne Ice’ ලෙස නම් කර ඇති ඔහුගේ අයිස් නිර්මාණ කුටිය ඉදිරිපිට සිට සිය මූර්ති නිර්මාණ දිවියේ කඩඉම්, ජයග්‍රහණ මෙන්ම බාධක ගැන ද දීර්ඝ විස්තරයක් පැවසීය.
කුරුණෑගල ඉපිද හැදී වැඩුණු අසංගගේ සිත කුඩා කළ සිටම යොමු වී ඇත්තේ මූර්ති නිර්මාණකරණයටය.
පාසල් කාලයෙන් පසු ආහාර ආශ්‍රිත මූර්ති කලාවේ නියැළුන ඔහු ශ්‍රී ලංකාවේ ප්‍රධාන පෙළේ හෝටල්වල රැකියාවේ නිරත වී තිබේ.

‘ලොව සිටින හොඳම අයිස් මූර්ති ශිල්පීන්ගෙන් කෙනෙකු’ ලෙස විදෙස් මාධ්‍ය අසංගව හඳුන්වා දී තිබේ.
එක්සත් රාජධානියේ රාජකීය උත්සව බොහොමයකට ඔහු සිය අයිස් නිර්මාණ ඉදිරිපත් කර ඇති අතර, 2012 දී රැජිනගේ දියමන්ති ජුබිලිය සැමරුම් උත්සවය සහ විලියම් කුමරු සහ කේට් ආදිපාදවරියගේ විවාහ උත්සවය වෙනුවෙන් තැනූ මූර්ති ඒ අතරින් විශේෂයි.
ඉන්දියාවේ ධනවත් ව්‍යාපාරිකයකුගේ දියණියගේ විවාහ උත්සවයට මීටර 8ක් උස මීටර 18ක් දිග අයිස් මාලිගාවක් තැනීම සිය නිර්මාණ දිවිය තුළ සිදුකළ බරපතලම රාජකාරියක් බව අසංග පැවසීය.

දුම්වැටි අලෙවි කරන්න බලපත්‍ර ක්‍රමයක්

සිල්ලර වෙළඳුන්ට දුම්වැටි අලෙවි කිරීම සඳහා බලපත්‍රයක් ලබා ගත යුතු වන නව ක්‍රමයක් වික්ටෝරියා ප්‍රාන්තය විසින් හඳුන්වා දීමට සැලසුම් කර තිබෙනවා.

Read More »

ඔස්ට්‍රේලියාව සහ සිංගප්පූරුව සම්බන්ධ කරන්න නව ගුවන් ගමනක්

Jetstar Asia විසින් බටහිර ඔස්ට්‍රේලියානු සංචාරක නගරයක් වන බෲම් (Broome) සිට සිංගප්පූරුව දක්වා සහනදායී ගාස්තු සහිත සෘජු ගුවන් ගමන් සේවාවක් ආරම්භ කිරීමට තීරණයක් ගෙන තිබෙනවා.

Read More »

ඔස්ට්‍රේලියාවේ පශු කර්මාන්තයට අවදානමක් ?

ඇමරිකා එක්සත් ජනපදයේ කිරි ගවයින් තුළ දක්නට ලැබෙන කුරුළු උණ ඔස්ට්‍රේලියාවේ පශු කර්මාන්තයට බලපෑමේ අවදානමක් ඇති විය හැකි බවට කනස්සල්ලක් මතුවී තිබෙනවා.

Read More »