වික්ටෝරියානු අග්‍රාමාත්‍ය ජසින්තා ඇලන් යටතේ ප්‍රාන්ත රජය බෙදීමකට ලක්ව ඇති බව වික්ටෝරියානු විපක්ෂ නායක ජෝන් පෙසුටෝ පවසනවා.
මාධ්‍ය වෙත අදහස් දක්වමින් ඔහු කියා සිටියේ කම්කරු පක්ෂ මන්ත්‍රිවරුන් පිරිසක්ම ඇයගේ ක්‍රියාකාලාප විවේචනය කරන බවයි.
මෙලෙස අග්‍රාමාතන්‍යරියගේ ක්‍රියා කලාපය නිසා පක්ෂ අභ්‍යන්තර ගැටුම් ඇතිවු ප්‍රථම අවස්ථාව ද මෙය නොවන බවයි විපක්ෂ නායකවරයා එහිදි ප්‍රකාශ කළේ.
කම්කරු පක්ෂයේ මන්ත්‍රීවරුන් දෙදෙනෙකු ප්‍රාන්ත පාර්ලිමේන්තුවේ ආගමීක යාච්ඥාවලින් වැලකී සිටීමට ගත් තීරණයත් සමග පක්ෂ අභ්‍යන්තරයේ යම් ගැටුම් ඇතිව ඇති බව සඳහන්.
විපක්ෂය පෙන්වා දෙන්නේ මෙවැනි ක්‍රියා හේතුවෙන් ප්‍රාන්ත රජයේ කාර්යක්ෂමතාවයට අහිතකර බලපෑමක් ඇති වන බවයි.
කෙසේ වෙතත් පක්ෂ අභ්‍යන්තර ගැටුම් නායකත්වයේ දුර්වලතාව මත හටගෙන ඇති බවයි විපක්ෂ නායකයා තවදුරටත් අවධාරණය කර ඇත්තේ.
