ඇමරිකාවේ නව ජනපති ලෙස තේරිපත්වූ ඩොනල්ඩ් ට්‍රම්ප් විසින් ටෙස්ලා අධිපති Elon Musk ට ධවල මන්දිරයේ ප්‍රධාන රැකියාවක් ලබා දී තිබෙනවා.
ඒ නව දෙපාර්තමේන්තුවක් හඳුන්වාදෙමින්.
එය නම් කර ඇත්තේ “රාජ්‍ය කාර්යක්‍ෂමතා දෙපාර්තමේන්තුව” ලෙසයි
නව “රාජ්‍ය කාර්යක්‍ෂමතා දෙපාර්තමේන්තුව” මෙහෙයවීමේ වගකීම එලොන් මස්ක්ට පවරා ඇති අතර එය ඔහුගේ නැගී එන නව කණ්ඩායම ලද නවතම පත්වීම මෙය ලෙස සැලකෙනවා.
තවත් ලෝක ප්‍රසිද්ධ කෝටිපති ව්‍යාපාරිකයා හිටපු රිපබ්ලිකන් ප්‍රාථමික අපේක්ෂක විවේක් රාමස්වාමි සමඟ එක්ව එම සංවිධානයට නායකත්වය දෙනු ඇති බවයි ට්‍රම්ප් පවසන්නේ.
නව දෙපාර්තමේන්තුව මගින් රජයේ වියදම් කපා හැරීමට, රජයෙන් පිටත සිට උපදෙස් සහ මගපෙන්වීම් ලබා දෙනු ඇති බවත් ට්‍රම්ප් සඳහන් කර තිබෙනවා.
මීට පෙර 2022 පමණ වන තෙක්ම ට්‍රම්ප් සහ මස්ක් එකිනෙකාව ප්‍රසිද්ධියේම විවේචනය කර ගන්නා පුද්ගලයින් පවට පත්ව සිටියත්,
පසුගිය ජුලි මාසයේ ට්‍රම්ප් ඝාතන තැතින් ඉතා නිර්භීත ලෙස බේරීමත් සමගම ට්‍රම්ප් – මස්ක් අතර යළිත් මිතු දමක් ද හට ගත්තා.
තවද ට්‍රම්ප්ගේ මැතිවරණ ව්‍යාපරයට Elon Musk ඩොලර් මිලියන 100 ක් පමණ ප්‍රදානය කළ අතර, මැතිවරණය ආසන්නවත්ම ට්‍රම්ප්ට සහාය පළ කරන්නන් සොයා දිනකට එක් අයෙකුට ඩොලර් මිලියනයක් බැගින් ලබා දුන් බවටද විදෙස් මාධ්‍ය වාර්තා කර තිබුණා.
