සමාජ මාධ්‍ය තුළ ලොව වැඩිම ජනප්‍රියතාවක් ඇති රටවල් පිළිබඳ නවතම වාර්තාවක් ඉදිරිපත් කර තිබෙනවා.
Time Out සඟරාව විසින් මේ පිළිබද වාර්තාවක් නිකුත් කර ඇති අතර Titan Travel ආයතනය විසින් 2021 වසරේ මැයි මාසයේ සිට 2024 අප්‍රේල් මාසය දක්වා කාලසීමාව තුළ Google සෙවුම් , Instagram සහ TikTok හි දත්ත විශ්ලේෂණය කරමින් සිදුකළ අධ්‍යයනයක ප්‍රතිඵලයක් ලෙස මෙම ශ්‍රේණිගත කිරීම සිදුකර ඇතිබවයි වාර්තා වන්නේ.
ඒ අනුව ශ්‍රේණිගත කිරීමේ පලමු ස්ථානය හිමිවී ඇත්තේ ජපානයට වන අතර එහි දෙවන ස්ථානය ඉන්දියාවට හිමිව තිබීම ද විශේෂත්වයක්.
ලැයිස්තුවේ තෙවන හා සිව්වන සහ පස්වන ස්ථාන පිළිවෙලින් කැනඩාවට, ඉතාලියට සහ තුර්කියට හිමිව තිබීම ද කැපී පෙනෙනවා.
ඔස්ට්‍රේලියාවට මෙම ශ්‍රේණිගත කිරීමේදී හය වන ස්ථානය හිමිව තිබෙන අතර එමගින් පැහැදිලි වන්නේ ඔස්ට්‍රේලියාවට සමාජ මාධ්‍ය ජාලා තුළ විශාල ජනප්‍රියත්වයක් හිමිවී තිබෙන බවයි.
ලැයිස්තුවේ සෙසු ස්ථාන පිළිවෙලින් ප්‍රංශය, තායිලන්තය, ජර්මනීය සහ ස්පාඤ්ඤය හිමි කර ගෙන තිබෙන බවයි වැඩිදුරටත් සදහන් වන්නේ.
