ඔස්ට්‍රේලියානු සංඛ්‍යා ලේඛණ කාර්යංශය (ABS) විසින් එක් එක් ප්‍රාන්තවල පවතින රැකියා ප්‍රමාණය සහ එම රැකියාවල ආදායම් තත්වය පිළිබදව දත්ත ඇතුලත් වාර්තාවක් නිකුත් කර තිබෙනවා.
එම වාර්තාවට අනුව වික්ටෝරියා ප්‍රාන්තය තුළ මිලියන 5.8 කට ආසන්න රැකියා අවස්ථා ප්‍රමාණයක් පවතින බව සදහන්.
වික්ටෝරියා ප්‍රාන්තයේ වැඩිම රැකියා ප්‍රමාණයක් පවතින කලාපය වශයෙන් Casey ප්‍රදේශය වාර්තගත වී ඇති අතර එම අගය 331,657 ක් පමණ වන බවයි දක්වා ඇත්තේ.
මීට අමතරව වික්ටෝරියා ප්‍රාන්තයේ Wyndhum ප්‍රදේශය තුළ පවතින රැකියා ප්‍රමාණය 282,216 ක් පමණ වන අතර Greater Geelong හි පවතින රැකියා ප්‍රමාණය 236,532 ක් බව ද සදහන්.
වික්ටෝරියා ප්‍රාන්තයේ පවතින රැකියාවල වාර්ෂික මධ්‍ය සේවක වැටුප සම්බන්ධයෙන් ද මෙම වාර්තාවේ තොරතුරු ඇතුලත්ව තිබෙනවා.
ඒ අනුව වික්ටෝරියා ප්‍රාන්තයේ Yarra ප්‍රදේශයේ රැකියාවල වාර්ෂික මධ්‍ය සේවක වැටුප ඩොලර් 61,496 ක් ලෙස සටහන් වී ඇති අතර Port Phillip හි එම අගය ඩොලර් 58,910 ක් ලෙස සටහන් ව තිබෙනවා.
වික්ටෝරියා ප්‍රාන්තයේ Sotonnington ප්‍රදේශයේ රැකියාවල වාර්ෂික මධ්‍ය සේවක වැටුප ඩොලර් 58,217 ක් ලෙස සටහන් වී තිබෙන පසුබිමක Hobsons Bay හි වාර්ෂික මධ්‍ය සේවක වැටුප සටහන් වී ඇත්තේ ඩොලර් 55,831 ක් ලෙසයි.
