“Corepse Flower” නමින් හදුන්වන දුර්ගන්ධයක් හමන දුර්ලභ පුෂ්පයක් Geelong ප්‍රදේශයේදී පිපීමට ආසන්න බවට වාර්තා වනවා.
Amorphophallus titanum යන නාමයෙන් හදුන්වන මෙම ශාකයේ පුෂ්පයක් පිපෙන්නේ වසර 10 කට වරක් පමණක් බවයි සදහන් වන්නේ.
මෙම පුෂ්පය කෙරෙහි බොහෝ දෙනාගේ අවධානය යොමුව තිබීම හේතුවෙන් Geelong උද්භිද උද්‍යානය පැය 24 පුරාම විවෘතව පවතින බවයි වාර්තා වන්නේ.
මෙම අපූර්ව සිදුවීම නැරඹීමට Geelong වෙත පැමිණීමට නොහැකි පුද්ගලයන් සදහා මාර්ගගත (Onilne) ක්‍රමවේදය ඔස්සේ සජීවී විකාශයක් සිදුකරන අතර දැනටමත් එම සජීවී විකාශය විශාල පිරිසක් නරඹන බව සදහන් වනවා.
මෙම දුර්ලභ මල පිපෙන විට කුණු වූ මාංශවලට සමාන දුර්ගන්ධයක් හමන බවට වාර්තා වන අතර එම සුවද මගින් පරාග වාහකයන්ව මල වෙත ආකර්ෂණය කරගැනීම සිදුකරනු ලබනවා.
මෙම ශාකය මේ වනවිට වඳවී යාමේ තර්ජනයකට ලක්ව තිබෙන බවද වැඩිදුරටත් සදහන්.
