පළමු T20 තරගයෙන් නවසීලන්ත කණ්ඩායම පරාජය කර ශ්‍රි ලංකා කණ්ඩායම විශිෂ්ට ජයක් හිමිකර ගැනීමට සමත් වුණා.
ශ්‍රී ලංකාව හා නවසීලන්තය අතර පැවැත්වෙන පළමු 20යි 20 ක්‍රිකට් තරගය අද දඹුල්ලේදී පැවැත්වුණා.
එම තරගයේ කාසියේ වාසිය දිනාගැනීමට නවසීලන්ත කණ්ඩායම සමත් වූ අතර ඔවුන් ප්‍රථමයෙන් පන්දුවට පහරදීමටය තීරණය කළා.
ඒ අනුව නවසීලන්ත කණ්ඩායම පන්දුවාර 19යි පන්දු 03ක් අවසානයේ සියලු දෙනා දැවී ලකුණු 135ක් රැස් කර ගත්තා.
නවසීලන්ත කණ්ඩායම වෙනුවෙන් Zakary Foulkes නොදැවී ලකුණු 27ක් රැස් කළ අතර Michael Bracewell ලකුණු 27ක් රැස්කළා.
පන්දු යැවීමේදී දුනිත් වෙල්ලාලගේ කඩුලු 03ක් දවාගත් අතර. නුවන් තුෂාර, මතීෂ පතිරණ සහ වනිඳු හසරංග කඩුලු දෙක බැගින් දවාගත්තා.
පිළිතුරු ඉනිමට පිටියට පිවිසි ශ්‍රී ලංකා කණ්ඩායම පන්දුවාර 19 ක් අවසානයේ කඩුලු 6ක් දැවි ලකුණු 140ක් රැස්කර ගැනීමට ශ්‍රී ලංකා කණ්ඩායමට හැකිවුණා.
