මෙල්බන් ගුවන්තොටුපලේ සිට කටුනායක දක්වා අද පියාසර කිරීමට නියමිතව තිබු UL 605 අංක දරණ ශ්‍රී ලංකන් ගුවන් වාරයද අවලංගු කර තිබෙනවා.
ඊට හේතුව වන්නේ ඊයේ රාත්‍රියේ කටුනායක සිට මෙල්බන් දක්වා ගමන් කිරීමට නියමිතව තිබු ගුවන් ගමන අවලංගු වීමයි.
තාක්ෂණික දෝෂයක් හේතුවෙන් මේ තත්වය හටගෙන තිබුණා.
ශ්‍රී ලංකන් ගුවන් සේවය නිවේදනයක් නිකුත් කරමින් සදහන් කළේ මෙම ගුවන් ගමනට නියමිතව සිටි ගුවන් මගීන්ට ගුවන්තොටුපල ආශ්‍රිත හෝටල් තුල නවාතැන් පසහුකම් ලබා දී ඇති බවයි.
ඉතා ඉක්මනින් වෙනත් ගුවන් යානයක් යොදවමින් අවලංගු වූ ගුවන් ගමන කඩිනමින් සිදුකරන බවද සදහන්.
