ඔස්ට්‍රේලියාවේ වාර්තාගත වැඩිම කක්කල් කැස්ස රෝගීන් සංඛ්‍යාවක් වාර්තා වු වසර ලෙස 2024 නම් කර තිබෙනවා.
ඒ අනුව 2024 වසරේ මේ දක්වා ඔස්ට්‍රේලියාවේ දිනකට වාර්තාගත කක්කල් කැස්ස රෝගීන් ගණන 130 ඉක්මවා ගොස් ඇති බව සඳහන්.
මෙතෙක් ඔස්ට්‍රේලියාවේ වැඩිම කක්කල් කැස්ස රෝගීන් සංඛ්‍යාවක් 2011 වසරෙන් වාර්තා වු අතර එම අගය 38748 ක් බව සඳහන්.
කෙසේ වෙතත් මෙම වසරේ ගතවු කාලසීමාව තුළ රෝගීන් 41000 ඉක්මවා වාර්තා වී තිබෙනවා.
සෞඛ්‍ය බලධාරීන් පෙන්වා දෙන්නේ මෙම වසර අවසන් වීමට තවත් දින 50කට ආසන්න කාලයක් පැවතියද කක්කල් කැස්ස රෝගින්ගේ ගණන 45000 ඉක්මවනු ඇති බවයි.
විශේෂයෙන් නිව් සවුත් වේල්ස්, ක්වින්ස්ලන්ඩ් සහ වික්ටෝරියා යන ප්‍රාන්ත වල කක්කල් කැස්ස රෝගීන්ගේ වැඩි ප්‍රවනතාවක් පවතින බව වාර්තා වනවා.
තවද 2023 වසරේදී වයස අවුරුදු 13 සම්පූර්ණ වන සෑම ළමුන් හතර දෙනෙකුගෙන් එක් අයෙකුට ඔවුන්ගේ කක්කල් කැස්ස බූස්ටරය මග හැරී ඇති බවද වැඩිදුරටත් සඳහන් වනවා.
