කොවිඩ් ප්‍රතිදේහ හඳුනාගැනීමේ පහසු නව ක්‍රමවේදයක් – AusLanka TV – Australian News for the Sri Lankan community

කොවිඩ් ප්‍රතිදේහ හඳුනාගැනීමේ පහසු නව ක්‍රමවේදයක්

කොවිඩ් ප්‍රතිදේහ හඳුනාගැනීමේ පහසු නව ක්‍රමවේදයක්

කොවිඩ්19 ප්‍රතිදේහ හඳුනාගැනීමේ පහසු සහ ලාභදායී නව ක්‍රමවේදයක් හඳුන්වාදීමට බි්‍රතාන්‍යයේ ඔක්ස්ෆර්ඩ් විශ්ව විද්‍යාලයේ පර්යේෂකයන් පිරිසක් සමත්ව සිටිනවා.

ඒ සඳහා ශ්‍රී ලාංකික මහාචාර්ය නීලිකා මලවිගේ මහත්මියද දායකත්වය සපයා තිබීම විශේෂත්වයක්.

ඇගිල්ලකින් ලබාගන්නා රුධිර බිඳුවකින් කොවිඩ් වෛරසයට එරෙහි ප්‍රතිදේහ හඳුනාගැනීමට නම ක්‍රමවේදය සමත්වීම විශේෂත්වයක්.

මෙමගින් කොවිඩ් වෛරසය නොව ඊට එරෙහි ප්‍රතිදේහ හඳුනාගැනී ම සිදුකෙරෙන බවයි ඔක්ස්ෆර්ඩ් විද්‍යාඥයන් පෙන්වා දෙන්නේ.

කෙටි කාලයක් තුලදී ප්‍රථිඵල වාර්තා ලබාගත හැකිවීමත් එහි නිරවද්‍යභාවය ඉහළ මට්ටමක පැවතීමත් මෙම නව ක්‍රමවේදයේ සුවිශේෂී ලක්ෂණ අතර වනවා.

සාම්පල 3000 කට අධික සංඛ්‍යාවක් යොදාගනිමිනුයි මෙම අධ්‍යයනය සිදුකර තිබුණේ. ඒ සඳහා ශ්‍රී ලංකාව – තායිවානය – කොළොම්බියාව – නෝර්වේ ඇතුලු රටවල් 21 ක දායකත්වය ලබාගෙන තිබීමද විශේෂත්වයක්.

කොවිඩ් මර්දන එන්නත්කරණයේදී මෙම සොයාගැනීම අතිශය වැදගත් බවයි ඔක්ස්ෆර්ඩ් පර්යේෂකයන් පෙන්වා දෙන්නේ.

COMMENTS