කොවිඩ් 19 සුව කළ හැකි බව පවසමින් දේශීය ශාකසාර ඖෂධයක් හඳුන්වා දුන් වෙනිසුවෙලාවේ ජනාධිපති නිකොලාස් මදුරෝ ගේ ෆේස්බුක් පිටුවට තහංචියක් පනවා තිබේ.
මේ අනුව දින 30ක් ගතවන තුරු ජනාධිපති මදුරෝ ට තම ෆේස්බුක් පිටුවේ කිසිවක් පළ කළ නොහැකිය.
thyme නමැති පලෑටියක සාරය යොදා ගනිමින් තනා ඇති එම ඖෂධය මගින් කොවිඩ් 19 සුව කළ හැකි බව ජනාධිපතිවරයා ප්‍රකාශ කර ඇත්තේ පසුගිය ජනවාරියේදී ය. නමුත් එම ඖෂධයෙන් කොවිඩ් 19 සුව වන බවට මේ දක්වා සනාථ වී නොමැත.
ෆේස්බුක් සමාගම පවසන්නේ කොරෝනාවෛරසය සම්බන්ධයෙන් සාවද්‍ය ප්‍රචාරයන් පළකිරීම වැලැක්වීම සඳහා පනවා ඇති ප්‍රතිපත්ති මාලාව ජනාධිපති මදුරෝ විසින් පුනපුනා උල්ලංඝනය කර ඇති බවය.
