හදිසි රෝගී තත්ත්වයකින් ලොහාන් රත්වත්තේ කොළඹ ජාතික රෝහලට
රෝගී තත්ත්වයක් හේතුවෙන් හිටපු රාජ්‍ය ඇමැති ලොහාන් රත්වත්තේ බන්ධනාගාර රෝහලෙන් කොළඹ ජාතික රෝහලට මාරු කර යවා තිබෙනවා.
බන්ධනාගාර මාධ්‍ය ප්‍රකාශක බන්ධනාගාර කොමසාරිස් ගාමිණි බී. දිසානායක සඳහන් කළේ හදිසියේ හටගත් රෝගී තත්වයක් හේතුවෙන් හිටපු ඇමතිවරයා මෙලෙස ජාතික රෝහලට මාරු කෙරුණු බවයි.
හිටපු රාජ්‍ය අමාත්‍ය ලොහාන් රත්වත්තේ බන්ධනාගාර භාර හිටපු රාජ්‍ය අමාත්‍යවරයා බැවින් අධිකරණ නියෝගයන්ට අනුව ඔහුට විශේෂ ආරක්ෂාවක් ලබාදීමට ද පසුගියදා තීරණය කරනු ලැබුවා.
නීතිවිරෝධී ලෙස එකලස් කරන ලද සුඛෝපභෝගී මෝටර් රථයක් පරිහරණය කිරීමේ සිද්ධියක් සම්බන්ධයෙනුයි හිටපු අමාත්‍යවරයා අත්අඩංගුවට ගනු ලැබුවේ.
සැකකරු ගංගොඩවිල අතිරේක මහේස්ත්‍රාත්වරයා හමුවට ඉදිරිපත් කිරීමෙන් පසු ලබන 07 වනදා දක්වා රක්ෂිත බන්ධනාගාර ගත කෙරුණා.
