මෙල්බන් හි බටහිර ප්‍රදේශයේ නිවසක ඊයේ රාත්‍රියේ ඇතිවූ ගින්නකින් පුද්ගලයෙකු ජීවිතක්ෂයට පත්ව තිබෙනවා.
අද අලුයම 2.40 ට පමණ ශාන්ත ඇල්බන්ස් ප්‍රදේශයේ Power Street හි පිහිටි නිවසක මෙම ගින්න ඇතිවී තිබෙන බවයි වාර්තා වන්නේ.
මෙම ගින්න නිවා දැමීමට ගිනි නිවන භටයින්ට පැයකට ආසන්න කාලයක් ගතවී තිබෙනවා.
වැඩිදුර පරීක්ෂා කිරීමේදී සුන් බුන් අතර තිබී හදුනාගැනීමට නොහැකි ආකාරයෙන් පිළිස්සුණු පුද්ගලයෙකුගේ මලසිරුරක් හමුවී තිබෙනවා.
උදෑසන මෙම පුවත ඇසීමෙන් පසුව මියගිය පුද්ගලයාගේ අසල්වාසීන් කම්පනයට පත්ව ඇති බව සදහන්.
සිදුවීම පිළිබදව වැඩිදුර විමර්ශන කටයුතු ආරම්භ කළ පොලීසිය වැඩිදුරටත් ප්‍රකාශ කර සිටියේ අපරාධ ස්ථානය රසායන විශේෂඥයෙකු ලවා පරීක්ෂා කරන බවයි.
