සූවස් ඇළ මාර්ගයේ අවහිරතාවය නිසා ඉදිරියේ දී භාණ්ඩ මිල ඉහළ යාමක්

භාණ්ඩ ප්‍රවාහන නෞකාවක් අනතුරට ලක්වීම හේතුවෙන් සූවස් ඇළ සැපයුම් මාර්ගයේ ඇති වී තිබෙන අවහිරතාවය හේතු කොට ගෙන ඉදිරියේ දී භාණ්ඩ මිල ගණන් හි ඉහළ යාමක් අනිවාර්යෙන් සිදුවිය හැකි බව කොළඹ නැව්ගත කරන්නන්ගේ ඇකඩමියේ ප්‍රධාන විධායක නිලධාරී රොහාන් මාසකෝරාළ මහතා පවසයි.

එසේම ශ්‍රී ලංකාවෙන් යුරෝපය, ඇමරිකාව ඇතුළු කලාපය වෙත සිදුකරන පළතුරු, මත්ස්‍ය අපනයනවලට මේ හේතුවෙන් බලපෑමක් ඇතිවිය හැකි බවත් ඒ මහතා සඳහන් කරයි.

“මෙය මුළු ලෝකයේම වෙළෙඳාමට බලපාල තියෙනවා. මේ වෙන කොට ඩොලර් බිලියන 9.6 ක භාණ්ඩ එම නැව් මාර්ගයේ හිරවෙලා තිබෙනවා. ලංකාවෙන් අපනයනය කරන භාණ්ඩ යුරෝපයට, මධ්‍යධරණීය මුහුදට, ඒ තුලින් අත්ලාන්තික් සාගරය හරහා ඇමරිකා එක්සත් ජනපදයට යන භාණ්ඩත්, ඒ ප්‍රදේශයේ සිට එන භාණ්ඩත් සම්පූර්ණ ඇණ හිටලා තියෙනවා. ලෝක වෙළෙඳාමේ භාණ්ඩ සහ නිමි භාණ්ඩ, ඒ වගේම තෙල් සියලු දේ මැදපෙරදිග ප්‍රදේශයේ දැන් හිරවෙලා තිබෙනවා. මේ නිසා දැනට ගණන් බලලා තියෙනවා පැයකට ඩොලර් මිලියන 400 ක පමණ පාඩුවක් ලෝක වෙළෙඳ ක්ෂේත්‍රයට සහ නාවික ක්ෂේත්‍රයට වෙනවා කියලා.“

“ලංකාවෙන් අපනයනය කරන අපනයනකරුවන්ගේ භාණ්ඩ ඔවුන්ගේ ගැනුම්කරුවන් වෙත යාම වැළැක්විලා තියනෙවා. ඒ වගේම යම් අමුද්‍රව්‍ය සහ භාණ්ඩ මෙරටට ආනයනය කරනවා නම් ඒ භාණ්ඩ සම්පූර්ණයෙන්ම නැවතීමක් වෙලා තියෙනවා. මෙය අපිට විතරක් නෙමෙයි, මුළු ලෝකයටම බලපානවා. දැන් ලැබෙන ප්‍රවෘත්තිවලට අනුම මෙම නැව යථාතත්ත්වයට පත්වීම ඉතා අසීරු කාරණයක් බවයි සඳහන් වෙන්නේ. ඒ නිසා සමහර නැව් සමාගම් උත්සාහ කරනවා දකුණූ අප්‍රිකාවේ කේප් තුඩුව හරහා විශාල රවුමකින් යුරෝපයට සහ ඇමරිකාවට මේ භාණ්ඩ ගෙන යාමේ උත්සාහයක් කල්පනා කරමින් සිටිනවා.  එහිදී දින 10 ක කාලයක් පමණ ප්‍රමාද වෙන්න පුළුවන්. විශේෂයෙන්ම පළතුරු සහ ශීත පරිසරටක් අවශ්‍ය මත්ස්‍ය අපනයනවලට මේ නිසා බලපෑමක් අනිවාර්යෙන්ම ඇතිවෙන්න පුළුවන්.“

“ඉදිරියේ දී මේ සැපයුම් ජාලය සම්පූර්ණයෙන් අවහිර වීම නිසා කාලසටහනකට ක්‍රියාකරන නැව් ප්‍රමාද වෙන්න පුළුවන්. අපිට දැනුම් දෙන්න තියෙන්නේ ආනයනකරුවන්ට සහ අපනයනකරුවන්ට, මේ සැපයුම් ජාලය අවහිර වීම නිසා ඇති වී තිබෙන තත්ත්වය තේරුම් අරගෙන ගැනුම්කරුවන්ට සහ තමන්ට භාණ්ඩ සපනයන්නන් දැනුවත් කරලා ඒ සඳහා සූදානම් වෙන්න. අනිවාර්යයෙන්ම ප්‍රමාද වීමක් පළමු කොට සිදුවෙනවා, ඒ පමණක් නොවෙයි ඊට අමතරව භාණ්ඩවල මිල වැඩිවීමක් වෙන්න පුළුවන්. ඒ වගේම රක්ෂණ වන්දි ඉල්ලීම් විවිධ පැතිවලින් එන්න පුළුවන්. මේ හැමදෙයක් ගැනම අපි කල්පනාවෙන් ඉන්න ඕනේ. මෙය විශාල නාවික අනතුරක් හැටියටයි ලෝකයම දකින්නේ.“

“ශ්‍රී ලංකාව සම්බන්ධයෙන් විශේෂයෙන් සැලකුවහොත්, ලංකාවට එන ආනයන, අපෙන් යන අපනයන ප්‍රමාද වෙනවා. ඒ වගේම අවශ්‍ය නැව් සේවා ඉදිරි කාලයේ දී අඩු වෙන්න පුළුවන්.  එම නිසා මේ නැව වහාම ප්‍රධාන නැව් මාර්ගයෙන් අයින් කළේ නැතිනම් වරාය ක්ෂේත්‍රයටම බලපාන තත්ත්වයකුත් ඉදිරි කාලයේ දී එන්න පුළුවන්. අපේ ප්‍රධානම වෙළෙඳ භාණ්ඩ අපනයන තිබෙන්නේ යුරෝපයට, මැදපෙරදිගට, මධ්‍යධරණී මුහුදට සහ එතනින් අත්ලාන්තික සාගරය හරහා ඇමරිකානු කලාපයට.  අපේ අපනයනවලින් 2/3ක්ම යන්නේ ඒ පැත්තට. ඒ නිසා අපේ අපනයනකරුවන්ට බලපෑමක් සැපයීමේ දී ඇතිවෙන්න පුළුවන්.“

ඔස්ට්‍රේලියා ඉතිහාසයේ තුන්වන විශාලතම ලොතරැයි ත්‍යාගයේ හිමිකරු සොයයි

ඔස්ට්‍රේලියා ඉතිහාසයේ තුන්වන විශාලතම ත්‍යාග මුදල ලැබෙන ලොතරැයි දිනුම් ඇදීමෙන් ජයග්‍රාහකයෙකු බිහි වී තිබෙනවා.

Read More »

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »