මෙල්බර්න් නගරයේදී මෝටර් රථ කොල්ලකෑමේ සිද්ධියක් සම්බන්ධයෙන් ගැහැණු ළමයින් ඇතුළු බාල වයස්කරුවන් 4 දෙනෙකු අත්අඩංගුවට ගෙන තිබෙනවා.
මෝටර් රථයේ හිමිකරු ඊයේ රාත්‍රී 10ට පමණ චෙල්ටන්හැම් හි (Cheltenham) සාප්පු සංකීර්ණ රථගාලක සිටියදී තුන් දෙනෙකු පැමිණ තර්ජනය කර මෝටර් රථය පැහැරගෙන ඇති බවයි වාර්තා වුණේ.
පසුව සැකකරුවන් මෝටර් රථයෙන් පලා යමින් සිටියදී අතර මගදී තවත් තරුණයන් දෙදෙනෙකු ඊට නැග ඇති බව ද වාර්තා වී තිබෙනවා.
පසුව මෙම මෝටර් රථය Dandenong හි Hammond Road සහ Cheltenham Road යන මංසන්ධියේ දමා ගොස් තිබියදී සොයා ගත් බවයි පොලිසිය සඳහන් කළේ.
මෙම සිද්ධියට අදාළව 14 හැවිරිදි ගැහැණු ළමයින් දෙදෙනෙකු ප්‍රදේශයේ දුම්රිය ස්ථානයක ආරක්ෂක සේවා නිලධාරියෙකු වෙත ඉදිරිපත් වී ඇති අතර එහිදී ඔවුන් අත්අඩංගුවට ගෙන තිබෙනවා.
14 හැවිරිදි සහ 16 හැවිරිදි පිරිමි ළමයින් දෙදෙනෙකු අලුයම 3ට පමණ ඩැන්ඩෙනොං හි ලොන්ස්ඩේල් මාර්ගයේදී අත්අඩංගුවට ගත් අතර ඔවුන්ගෙන් ප්‍රශ්න කෙරෙමින් පවතින බවයි වාර්තා වන්නේ.
මෙම සැකකාර බාල වයස්කරුවන්ට ප්‍රචණ්ඩකාරී ලෙස මෝටර් රථ කොල්ලකෑම සහ මෝටර් රථ සොරකම් කිරීම සම්බන්ධයෙන් චෝදනා එල්ල කෙරෙනු ඇතැයි අපේක්ෂිතයි.
