2025 වසර දක්වා පොලී අනුපාත සහනයක් ඔස්ට්‍රේලියානුවන්ට නොලැබෙන බව ආර්ථික විශේෂඥයන් අනාවැකි පළ කර තිබෙනවා.
විශේෂඥයින් විසින් සිදු කරනු ලැබූ මත විමසුමේ තොරතුරු අනුව ප්‍රකාශ වී ඇත්තේ නිවාස හිමියන්ට උකස් සහනයක් සඳහා ලබන වසර තෙක් බලා සිටීමට සිදුවනු ඇති බවටයි.
මෙම මාසයේ සංචිත බැංකුවේ Cash rate අගයන් වෙනස්වීම පිළිබඳ සමීක්ෂණය සඳහා ආර්ථික විශේෂඥයින් 42 දෙනෙකු සමඟ සාකච්ඡා කර ඇති අතර සැප්තැම්බර් මාසයේදී මුදල් අනුපාතය සියයට 4.35ක් ලෙසට රඳවා ගනු ඇති බවයි ඔවුන් පැවසුවේ.
සමීක්ෂණයට ලක්වූවන්ගෙන් සියයට 60ක් ප්‍රකාශ කළේ 2025 වසරේ ජනවාරි මාසය තුළ පළමු පොලි අනුපාත කප්පාදුව සිදුවනු ඇති අතර තවත් සියයට 44ක් සඳහන් කළේ පෙබරවාරි මාසයේ පොලි අනුපාත කප්පාදුවක් සිදුවිය හැකි බවටයි.
ඉදිරි මාස 12 තුළ ඔස්ට්‍රේලියාවට අවපාතයකට මුහුණ දීමට සියයට 39ක සම්භාවිතාවක් පවතින බවයි විශේෂඥ මණ්ඩලය ප්‍රකාශ කළේ.
සිඩ්නි විශ්ව විද්‍යාලයේ මහාචාර්ය ස්ටෙලා හුවාංෆු පැවසුවේ ඉහළ පොලී අනුපාත, ගෝලීය ආර්ථික අවිනිශ්චිතතාවය, දුර්වල පාරිභෝගික විශ්වාසය සහ විරැකියාව ඇතුළු සාධක සියල්ල අවපාතයක් සිදුවිය හැකි හේතු බවයි.
