ඉදිකිරීම්, වන සංරක්ෂණ සහ සමුද්‍රීය සේවක සංගමයේ (CFMEU) විරෝධතා හේතුවෙන් මෙල්බන් සහ සිඩ්නි නගර වෙත කම්කරුවන් දහස් ගණනක් එක්ව සිටින බව වාර්තා වනවා.
රැකියාවෙන් ඉවත් වූ දහස් ගණනක් කම්කරුවන් විරෝධතාවට එක්ව සිටින අතර ඔවුන්ගෙන් මෙල්බන් නගරයේ මාර්ග පිරී ගොස් ඇති බවයි සඳහන් වන්නේ.
වික්ටෝරියා ස්ට්‍රීට්, ලයිගන් ස්ට්‍රීට් සහ රසල් ස්ට්‍රීට් ඇතුළුව Trade Hall අවට මාර්ග රැසක් විරෝධතා රැලිය හේතුවෙන් වාහන ගමනාගමනය සඳහා වසා දමා තිබෙනවා.
අද දිනයේ විරෝධතා සඳහා කම්කරුවන් 80,000ක් පමණ මෙල්බන් CBD වෙත පැමිණෙනු ඇතැයි අපේක්ෂා කරන අතර පෙරවරු 11ට ආරම්භ වූ විරෝධතාව සමග මෝටර් රථ, ට්‍රෑම් රථ සහ බස් රථ සඳහා දැඩි තදබදයක් පවතින බව සඳහන්.
මෙල්බන් නගරයේ ප්‍රධාන ඉදිකිරීම් වැඩ බිම්වලින් කම්කරුවන් විශාල පිරිසක් විරෝධතාවට සහාය දැක්වීමට ඉවත්ව ගොස් ඇති බව ද වාර්තා වනවා.
ඉදිකිරීම්, වන සංරක්ෂණ සහ සමුද්‍රීය සේවක සංගමය (CFMEU) විසින් අද සිඩ්නි නගරයේ ද විරෝධතාවක් ද පවත්වන අතර මේ හේතුවෙන් හයිඩ් පාර්ක් අසල Elizabeth Street සහ Macquarie Street මාර්ග වසා දැමීමට නියමිතයි.
පසුගිය මාසය අවසානයේ බ්‍රිස්බන්, සිඩ්නි සහ මෙල්බන් අවට ඉදිකිරීම්, වන සංරක්ෂණ සහ සමුද්‍රීය සේවක සංගමයේ කම්කරුවන් ස්වේච්ඡා පරිපාලනය තුළ තැබීමට රජය ගත් තීරණයට හේතුවෙනුයි මෙම විරෝධතා ක්‍රියාත්මක වන්නේ.
සේවක සංගමයට කඩාකප්පල්කාරීන් පිරිසක් එක්වී ඇති බවට චෝදනා කරමින් රජය මෙම තීරණය ගෙන ඇති බවටයි වාර්තා වූයේ.
එම චෝදනා මත වෘත්තීය සමිති නායකයින් නායකයින් කිහිප දෙනෙකු සේවයෙන් ඉවත් කෙරුණු අතර රජය ව්‍යවස්ථා විරෝධී ලෙස කටයුතු කර ඇති බැවින් අදාළ සේවකයන් නැවත සේවයේ පිහිටුවන ලෙසට ඉල්ලමින් මෙම විරෝධතා ක්‍රියාත්මක වන බව සඳහන්.
