රෙක්ස් (Rex) සහ බොන්සා (Bonza) කලාපීය ගුවන් සේවා ඔස්ට්‍රේලියාවේ අගනුවරවලින් ඉවත්වීම සමග දේශීය ගුවන් යානාවල ගමන් ගාස්තු ඉහළ ගොස් ඇති බව නව පර්යේෂණයකින් අනාවරණ වී තිබෙනවා.
ගුවන් ගමන් ගාස්තු සම්බන්ධයෙන් සිදු කළ නව පර්යේෂණයකට අනුව ඔස්ට්‍රේලියාවේ ලාභදායීම ගුවන් ගමන් ගාස්තු සියයට 12.5 කින් ඉහළ ගොස් ඇති බවයි අනාවරණය වී ඇත්තේ.
යටිතල පහසුකම් හා ප්‍රවාහන කාර්යාංශයේ දත්ත අනුව පසුගිය අප්‍රේල් මාසයේ සිට බොන්සා (Bonza) සමාගම ස්වෙච්ඡා පරිපාලනයට ඇතුලත් වීම මෙලෙස දේශීය ගුවන් ගමන් ගාස්තු ඉහළ යෑමට බලපා ඇති බව සඳහන්.
ලාභදායී අභ්‍යන්තර ගුවන් ගමන් ගාස්තු සඳහා ඩොලර් 150 සිට ඩොලර් 170 දක්වාත් මිල අධික ගාස්තු සඳහා ඩොලර් 350 සිට ඩොලර් 400 දක්වා ගෙවීමට පාරිභෝගිකයන්ට සිදුව තිබෙනවා.
ෆ්ලයිට් සෙන්ටර් හි (Flight Center) ප්‍රධාන විධායක ග්‍රැහැම් ටියුනර් සඳහන් කළේ අභ්‍යන්තර ගුවන් ගමන් ගාස්තු පසුගිය මාස 12ට සාපේක්ෂව ඉහළ ගොස් ඇති බවයි.
ක්වන්ටාස් (Qantas) ගුවන් ගමන් ගාස්තු ද ඉදිරි සති තුනක කාලසීමාවේදී ඩොලර් 99 සිට ඩොලර් 199 දක්වා වැඩිවනු ඇති බවයි ඔහු ප්‍රකාශ කර ඇත්තේ.
කෙසේ වෙතත් එක්සත් ජනපදය වැනි තරඟකාරී වෙලඳපොලක් සහිත රටවල අභ්‍යන්තර ගුවන් ගමන් ගාස්තු පහත අගයක් ගන්නා අතර ඔස්ට්‍රේලියාවේ එම මිල ගණන් තවදුරටත් ඉහළ යෑම අභියෝගයක් බව ද ෆ්ලයිට් සෙන්ටර් (Flight Center) ප්‍රධාන විධායක නිලධාරීවරයා පෙන්වා දෙනවා.
