ගිම්හාන (Summer) සෘතුව ආරම්භවීමත් සමග ඔස්ට්‍රේලියානුවන් අතර hay fever ක්‍රමයෙන් ව්‍යාප්ත වනු ඇතැයි සෞඛ්‍ය අංශ අනතුරු ඇඟවීමක් නිකුත් කර තිබෙනවා.
මෙම රෝගී තත්වය තණකොල හා පිදුරු ආශ්‍රිත තෘණවලින් පිටවන පරාග හේතුවෙන් ව්‍යාප්ත වන්නක් බවයි හේතුවෙන් වෛද්‍යවරුන් පෙන්වා දී ඇත්තේ.
සෑම ඔස්ට්‍රේලියානුවන් 5 දෙනෙකුගෙන් එක් අයෙක් මෙලෙස ආසාත්මිකතාවන්ට ගොදුරු වනු ඇති අතර ජනතාවට මේ පිළිබඳ අවධානයෙන් පසුවන ලෙස දැනුවත් කර තිබෙනවා.
කාලගුණික විපර්යාස සමග රටේ බොහෝ ප්‍රදේශවල රෝග වර්ධනයක් පෙන්නුම් කරන අතර ඇදුම රෝගීන් විශේෂයෙන් මේ දිනවල ආරක්ෂා විය යුතු බවයි දැනුම් දෙන්නේ.
හුස්ම හිරවීම හෝ අඛණ්ඩ කැස්සක් පවතින්නේ නම් එය සාමාන්‍ය තත්වයක් සේ නොසලකා ඉක්මනින් ප්‍රතිකාර සඳහා යොමුවන ලෙස උපදෙස් ලබා දෙනවා.
මෙම රෝග ලක්ෂණ අතර කිවිසුම් යාම, කැස්ස, නාසයෙන් සොටු දියර ගැළීම මෙන්ම නාසය කැසීම, ඇස් කැසීම සහ ඇස් රතුවීම මෙන්ම උගුර කැසීම වැනි රෝග ලක්ෂණ ඇතුළත්.
හුස්ම හිරවීම, පපුව හිරවීම, කැස්ස, දහඩිය දැමීම, ක්ලාන්තය වැනි ඇදුම රෝග ලක්ෂණ පවතින්නේ නම් ඉතා ඉක්මනින් වෛද්‍ය ප්‍රතිකාර සඳහා යොමුවන ලෙසටයි ඔස්ට්‍රේලියානුවන්ට දැනුම් දෙන්නේ.
